શરદપૂર્ણિમાના દિન 28 ઓક્ટોબરના રોજ ચંદ્રગ્રહ થવાનું છે જેને લઈને વિવિધ મંદિરો દ્વારા નિયમિત થતી પૂજાઓ, આરતી સહિતનો ઉપક્રમ માં ફેરફાર કરવામાં આવ્યા છે
શરદપૂર્ણિમાના દિન 28 ઓક્ટોબરના રોજ બાર જ્યોતિર્લિંગમાં પ્રથમ ગણાતા સુપ્રસિદ્ધ યાત્રાધામ સોમનાથના મહાદેવજીના મંદિરમાં ચંદ્રગ્રહણની લીધે મંદિરના દર્શનના સમયમાં ફેરફાર કરવામાં આવ્યો છે. અને શરદપૂર્ણિમાંના દિને ગ્રહણના વેધ સ્પર્શથી મોક્ષ સુધી નિયમિત થતી પૂજાઓ, આરતી સહિતનો ઉપક્રમ બંધ રહેશે
ચંદ્રગ્રહણ પ્રભાસ ક્ષેત્રને સ્પર્ષતુ હોવાથી પાળવું શાસ્ત્રોક્ત રીતે આવશ્યક હોય, સોમનાથના સ્થાનિક સમય પ્રમાણે નિચે મુજબ સમયે ગ્રહણનો વેધ-સ્પર્ષ-મધ્ય-મોક્ષ વિગેરે થાય છે.
ચંદ્રગ્રહણને અનુલક્ષીને સોમનાથ મંદિર સહિતના મંદિરોમાં મધ્યાહ્ન આરતી પછી દરેક પુજા ક્રમ બંધ રહેશે. સાથે જ સાયં આરતી, ગંગાજળ અભિષેક, બિલ્વપૂજા, ધ્વજાપૂજા, સોમેશ્વર મહાપૂજન, યજ્ઞો સહિતની તમામ પૂજાઓ બંધ રહેશે. તેમજ મંદિર પરીસરમાં દરમાસની પુર્ણિમાંએ યોજાતા સુંદરકાંડપાઠ નિયત સમયે સાંજે 5-30 વાગ્યે પ્રારંભ થશે. દર્શનનો સમય પ્રાતઃ 6-00 થી રાત્રીના 10 વાગ્યા સુધીનો રહેશે. ગ્રહણ નો પુણ્યકાળ ગ્રહણ સ્પર્શ થી ગ્રહણ મોક્ષ સુધી રહેશે.
સોમનાથ ટ્રસ્ટની યાદીમાં જણાવ્યા પ્રમાણે તારીખ-28 તથા 29 /10/2023 ના ગ્રહણની વિગતઃ વેધ પ્રારંભ બપોરે 1:42:44 (કલાક:મીનીટ:સેકન્ડ), ગ્રહણ સ્પર્શ રાત્રે 10:43:28 (કલાક:મીનીટ:સેકન્ડ), ગ્રહણ મધ્ય મધ્યરાત્રીના 12:57:00 (કલાક:મીનીટ:સેકન્ડ), ગ્રહણ મોક્ષ મધ્યરાત્રીના 03:08:03 (કલાક:મીનીટ:સેકન્ડ) સુધી રહેશે
