બોલિવૂડ એક્ટર વરૂણ ધવન આ દિવસોમાં પોતાની ટીમ સાથે અરુણાચલ પ્રદેશમાં ફિલ્મ ‘ભેડિયા’ ના શૂટિંગમાં વ્યસ્ત છે.
તે જ સમયે, તેની પત્ની નતાશા દલાલ પણ તેની સાથે ત્યાં સમય પસાર કરી રહી છે.
આ બધાની વચ્ચે વરૂણ અને નતાશાએ અરુણાચલ પ્રદેશના તિરૂપ જિલ્લાના આગ પીડિતોને ઉદારતાથી ૧ લાખ રૂપિયાનું દાન આપ્યું હતું.
તે જ સમયે, વરૂણ અને નતાશાની સોશિયલ મીડિયા પર ટ્રેડિશનલ આઉટફિટ્સમાં પોઝ આપતી તસવીરો પણ વાયરલ થઈ રહી છે.
આ તસવીરો તે સમયે લેવામાં આવી હતી જ્યારે કપલે તિરાપ જિલ્લામાં અગ્નિ દુર્ઘટનાના પીડિતોને રાહતનો ચેક સોંપ્યો હતો.
એક ટિ્વટર હેન્ડલ, ડેપ્રો ઝીરોએ નતાશા અને વરૂણની આ તસવીરો શેર કરી છે.
નોંધપાત્ર વાત એ છે કે ગયા મહિને લોંગલીંગ ગામમાં લાગેલી આગ બાદ અનેક લોકો પ્રભાવિત થયા હતા.
કથિત રૂપે, ગામમાં બાંધવામાં આવેલા મકાનો આગને કારણે બળીને રાખ થઈ ગયા હતા.
આ ઘટનામાં ૧ બાળક સહિત ૨ લોકોનાં મોત નીપજ્યાં હતાં.
આ અસરગ્રસ્તો માટે વરૂણ અને નતાશાએ રાહતની રકમ આપી છે.
હેન્ડલ સાથે શેર કરેલી તસવીરોમાં ક્રિતી સનન, અભિષેક બેનર્જી, અમર કૌશિક અને ટીમ ભેડીયાના ઘણા લોકો પણ બેઠા અને વાત કરતા જાેવા મળે છે.
