સરકારી ટેલિકોમ ઓપરેટર BSNL વધુને વધુ વપરાશકર્તાઓને તેના નેટવર્ક સાથે જોડવા માટે ઘણા સસ્તા પ્લાન ઓફર કરે છે. જો તમે ફક્ત 5 રૂપિયા પ્રતિ દિવસ ડેટા, કોલ, એસએમએસ વગેરે ઓફર કરતો પ્લાન ખરીદવા માંગતા હો, તો BSNLનો આ 180 દિવસનો પ્લાન તમારા માટે શ્રેષ્ઠ છે. આટલી ઓછી કિંમતે, Jio, Airtel, VI જેવી કોઈ ખાનગી ટેલિકોમ કંપની આટલા દિવસો સુધી ચાલતો કોઈ પ્લાન ઓફર કરતી નથી.
બીએસએનએલ પાસે ૮૯૭ રૂપિયાનો પ્રીપેડ પ્લાન છે. આ પ્લાન દેશના સૌથી વધુ આર્થિક 180 દિવસની વેલિડિટીવાળા પ્લાનમાંનો એક છે. આ BSNL પ્લાન 900 રૂપિયાથી ઓછી કિંમતે સિમ છ મહિના માટે સક્રિય રાખે છે. BSNLનો 897 રૂપિયાનો પ્લાન દેશભરના ગ્રાહકો માટે ઉપલબ્ધ છે. આ પ્લાન એવા ગ્રાહકો માટે છે જેઓ લાંબી વેલિડિટીવાળા પ્લાન કરતાં ઓછા ખર્ચે પોતાનું સિમ એક્ટિવ રાખવા માંગે છે.
BSNL રૂ. 897 પ્રીપેડ પ્લાનના ફાયદા
બીએસએનએલનો ૮૯૭ રૂપિયાનો પ્રીપેડ પ્લાન ૧૮૦ દિવસની વેલિડિટી સાથે આવે છે. આ પ્લાનમાં ગ્રાહકોને કોઈપણ નેટવર્ક પર અનલિમિટેડ વોઇસ કોલિંગનો લાભ મળે છે. આ સાથે આ પ્લાનમાં દરરોજ 100 SMS અને 90GB ડેટા મળે છે. એકવાર વપરાશકર્તાઓ સંપૂર્ણ 90GBનો ઉપયોગ કરી લે, પછી સ્પીડ ઘટીને 40 Kbps થઈ જાય છે. એકવાર કોઈ વ્યક્તિ બધો FUP (ફેર યુસેજ પોલિસી) ડેટા વાપરી નાખે, પછી તે બ્રાઉઝિંગ ચાલુ રાખવા માટે ડેટા વાઉચર સાથે રિચાર્જ પણ કરી શકે છે.
જિયોનો 2025 રૂપિયાનો પ્લાન
જિયો 200 દિવસનો પ્લાન પણ આપે છે. જેની કિંમત 2025 રૂપિયા છે. આ પ્લાન Jioનો ખાસ ‘ન્યૂ યર વેલકમ’ પ્લાન છે જે ફક્ત 31 જાન્યુઆરી સુધી જ ઉપલબ્ધ છે. આ પ્લાન સાથે રિચાર્જ કરવાથી, તમને દરરોજ 2.5GB ડેટા મળે છે અને આ રીતે, તમને 200 દિવસમાં કુલ 500GB ડેટાનો લાભ મળશે. આ પ્લાનમાં ગ્રાહકોને અનલિમિટેડ વોઇસ કોલ અને એસએમએસની સુવિધા પણ મળશે. આ પ્લાનમાં, યુઝર્સને JioCinema, JioCloud અને JioTV જેવી Jio એપ્સની ઍક્સેસ પણ મળી રહી છે.
