ન્યુઝીલેન્ડની ટીમની મુશ્કેલીઓનો અંત આવવાના કોઈ સંકેત દેખાઈ રહ્યા નથી. કેન વિલિયમસન ઈજાના કારણે T20 શ્રેણી (NZ vs PAK 4th T20)માંથી બહાર થઈ ગયા બાદ હવે કિવી ટીમને વધુ એક મોટો ફટકો પડ્યો છે. ટીમના ઓપનિંગ બેટ્સમેન ડેવોન કોનવે કોરોનાથી પ્રભાવિત થયા છે અને તે ચોથી T20 આંતરરાષ્ટ્રીય મેચમાં ટીમનો ભાગ નહીં હોય. ન્યુઝીલેન્ડ પહેલા ત્રણ મેચ જીતીને ટી-20 સીરીઝ જીતી ચૂક્યું છે.
ડેવોન કોનવે ચોથી T20 મેચ પહેલા કોરોનાથી સંક્રમિત થયો છે. ન્યૂઝીલેન્ડ ક્રિકેટ બોર્ડે પોતાના એક્સ એકાઉન્ટ પર ટ્વીટ કરીને આ જાણકારી આપી છે. તેણે કહ્યું કે કોનવે 18 જાન્યુઆરીએ કોવિડ પોઝિટીવ મળી આવ્યો હતો. કિવી ટીમના ઓપનિંગ બેટ્સમેનને ક્રાઈસ્ટચર્ચની એક હોટલમાં આઈસોલેશનમાં રાખવામાં આવ્યો છે. કોનવેના સ્થાને ચાડ બોવ્સને ટીમમાં સામેલ કરવામાં આવ્યા છે.
ન્યુઝીલેન્ડ ક્રિકેટ બોર્ડે પણ પુષ્ટિ કરી છે કે ટીમના બોલિંગ કોચ આન્દ્રે એડમ્સ કોવિડ પોઝીટીવ મળી આવ્યા છે. બોર્ડે માહિતી આપી છે કે એડમ્સ પણ કોરોનાથી સંક્રમિત છે અને તેમને પણ આઈસોલેશનમાં રાખવામાં આવ્યા છે. કેપ્ટન કેન વિલિયમસન ઈજાના કારણે પહેલા જ ટી-20 શ્રેણીમાંથી બહાર છે.
કિવી ટીમે સિરીઝ પર કબજો જમાવ્યો છે
જો કે, ન્યૂઝીલેન્ડની ટીમે પાંચ મેચની શ્રેણીમાં 3-0ની અજેય સરસાઈ હાંસલ કરી લીધી છે. ત્રીજી T-20 મેચમાં કિવી ટીમે પાકિસ્તાન સામે 45 રનથી હારનો સ્વાદ ચાખ્યો હતો. પ્રથમ બેટિંગ કરતા ન્યૂઝીલેન્ડે ફિન એલનની તોફાની સદીના કારણે સ્કોર બોર્ડ પર 224 રન બનાવ્યા હતા, જેના જવાબમાં પાકિસ્તાનની ટીમ 7 વિકેટ ગુમાવીને માત્ર 179 રન બનાવી શકી હતી.
