કોચ રાહુલ દ્રવિડે અફઘાનિસ્તાન સામેની શ્રેણીમાં 3-0થી ક્લીન સ્વીપ કરવા પર ખુશી વ્યક્ત કરી
અફઘાનિસ્તાન સામે રમાયેલી શ્રેણીમાં હાર્દિક પંડ્યાના વિકલ્પ તરીકે શિવમ દુબે
ઈન્ડિયન પ્રીમિયર લીગમાં ખેલાડીઓના પ્રદર્શનના આધારે હવે ટી-20 વર્લ્ડ કપમાં ભારતીય ટીમનું પ્રદર્શન કેવું રહેશે ? તેની ઉત્તેજના જોવા મળી રહી છે. ત્યારે તેનો અંતિમ નિર્ણય પસંદગીકારો લેશે. આ લીગમાં ઈજાગ્રસ્ત તમામ યુવા અને વરિષ્ઠ ખેલાડીઓ રમનાર હોવાનું જાણવા મળ્યું છે. ત્યારે દરેકની નજર ઋષભ પંતની સાથે હાર્દિક પંડ્યા અને સૂર્યકુમાર યાદવ પર છે.
ભારતીય ક્રિકેટ ટીમે ICC T20 વર્લ્ડ કપ પહેલા આ ફોર્મેટમાં તેની છેલ્લી આંતરરાષ્ટ્રીય શ્રેણી રમી હતી. ત્યારે હવે ટીમ ઈન્ડિયા આ મેગા ટૂર્નામેન્ટમાં પ્રવેશતા પહેલા એક પણ મેચ રમશે નહીં. ઈન્ડિયન પ્રીમિયર લીગમાં ખેલાડીઓના પ્રદર્શનના આધારે હવે ટી-20 વર્લ્ડ કપમાં ભારતીય ટીમનું પ્રદર્શન કેવું રહેશે તેનો અંતિમ નિર્ણય પસંદગીકારો લેશે.
ભારતના મુખ્ય કોચ રાહુલ દ્રવિડે અફઘાનિસ્તાન સામેની શ્રેણીમાં 3-0થી ક્લીન સ્વીપ કરવા પર ખુશી વ્યક્ત કરી છે. ઘણા યુવા ખેલાડીઓના સારા પ્રદર્શનને કારણે ટીમ પાસે જૂનમાં યોજાનારા ટી20 વર્લ્ડ કપ માટે ઘણા વિકલ્પો છે. ગયા વર્ષે ODI વર્લ્ડ કપ બાદ ભારતે 11 T20 રમી છે. ત્યારે કેટલાક વરિષ્ઠ ખેલાડીઓને આરામ આપવામાં આવ્યો હોવાને કારણે ટીમ મેનેજમેન્ટને જીતેશ શર્મા અને શિવમ દુબે જેવા યુવા ખેલાડીઓને અજમાવવાની તક મળી.
ભારતીય ટીમે ICC T20 વર્લ્ડ કપ પહેલા પોતાના સંભવિત ખેલાડીઓની યાદી તૈયાર કરી છે. અને ઓલરાઉન્ડર તરીકે ભારતને અફઘાનિસ્તાન સામે રમાયેલી શ્રેણીમાં હાર્દિક પંડ્યાના વિકલ્પ તરીકે શિવમ દુબે મળ્યો હતો. વાપસીવાળી સિરીઝમાં તે પ્લેયર ઓફ ધ સિરીઝ તરીકે ચૂંટાયો હતો. વિકેટકીપર તરીકે પણ ભારત પાસે ઘણા બધા વિકલ્પો છે. આ સમયે ઈશાન કિશનનો રસ્તો મુશ્કેલ લાગી રહ્યો છે. કારણ કે કોચ રાહુલ દ્રવિડે પણ કાર અકસ્માત બાદ રિષભ પંતના વાપસીના સંકેત પણ આપ્યા છે. ત્યારે આગામી કેટલાક મહિનામાં શું સ્થિતિ રહેશે તે જોવાનું રહેશે.
