IPL 2024 : રોયલ ચેલેન્જર્સ બેંગ્લોર અને કોલકાતા નાઈટ રાઈડર્સ વચ્ચેની મેચમાં વિરાટ કોહલી અને ગૌતમ ગંભીરના ગળે મળવાની વાત ચર્ચાનો વિષય બની ગઈ છે. આરસીબીની ઇનિંગ્સ દરમિયાન ઓવરના બ્રેક દરમિયાન જ્યારે વિરાટ કોહલી ગૌતમ ગંભીર સાથે હાથ મિલાવવા પહોંચ્યો ત્યારે પૂર્વ ક્રિકેટરે તેને ગળે લગાવ્યો.
ગત IPLમાં બંને દિગ્ગજો વચ્ચે ઉગ્ર બોલાચાલી થઈ હતી…
ગત IPLમાં બંને દિગ્ગજો વચ્ચે ઉગ્ર બોલાચાલી થઈ હતી, જે બાદ શુક્રવારે IPL 2024ની 10મી મેચમાં બંને સામસામે આવી ગયા હતા. જો કે આ પહેલા પણ બંને વચ્ચે ઘણી વખત અથડામણ જોવા મળી છે. પરંતુ છેલ્લી મેચ બાદ બધું બરાબર થઈ રહ્યું હોય તેવું લાગી રહ્યું છે. આ દરમિયાન લાઈવ મેચ દરમિયાન ભારતીય દિગ્ગજ રવિ શાસ્ત્રી અને સુનીલ ગાવસ્કરની પ્રતિક્રિયા પણ વાયરલ થઈ રહી છે.
કોમેન્ટ્રી બોક્સમાં બેઠેલા સુનીલ ગાવસ્કર અને રવિ શાસ્ત્રીએ RCB vs KKR મેચમાં બનેલી ઘટના પર તરત જ પ્રતિક્રિયા આપી.
રવિ શાસ્ત્રીએ ઓન એર કહ્યું…
રવિ શાસ્ત્રીએ ઓન એર કહ્યું, “KKR ને વિરાટ કોહલી અને ગૌતમ ગંભીર વચ્ચે ગળે લગાવવા બદલ ફેરપ્લે એવોર્ડ મળવો જોઈએ.” જવાબમાં સુનીલ ગાવસ્કરે કટાક્ષ કરતાં કહ્યું, “ફક્ત ફેરપ્લે એવોર્ડ જ નહીં, પણ ઓસ્કાર એવોર્ડ પણ છે.”
IPL 2023માં લખનૌ સુપર જાયન્ટ્સ અને રોયલ ચેલેન્જર્સ બેંગ્લોર વચ્ચેની મેચમાં વિરાટ અને ગંભીર વચ્ચે ઉગ્ર બોલાચાલી થઈ હતી. જેના કારણે બીસીસીઆઈએ બંને સામે શિસ્તભંગની કાર્યવાહી પણ કરી હતી. જો કે બંનેની મુલાકાતને કારણે તણાવ ઓછો થતો જોવા મળી રહ્યો છે.
