રોહિત 100 ટી20 જીતનાર વિશ્વનો પ્રથમ ખેલાડી બન્યો
ભારત અને અફ્ઘાનિસ્તાન વચ્ચે ગરુવારે ત્રણ મેચની સીરિઝનો પ્રથમ T20 મેચ મોહાલીમાં રમાઈ. જેમાં ભારતનો છ વિકેટથી વિજય થયો હતો. આ મેચમાં 14 મહિના બાદ ભારતીય T20 ટીમમાં વાપસી કરનાર કેપ્ટન રોહિત શર્મા ખાતું ખોલાવી શક્યો પણ ન હતો અને તે ઈનિંગની બીજા જ બોલ પર રન આઉટ થયો હતો. આ સાથે રોહિતે એક દુર્લભ રેકોર્ડ પણ પોતાના નામે કરી લીધો હતો.
મોહાલી રામાયેલી સીરિઝની પ્રથમ ટી20 મેચમાં રેહિત શૂન્ય રન પર આઉટ થયો હતો, જે આંતરરાષ્ટ્રીય ટી20માં 11મી વખ્ત બન્યું છે જ્યારે હિટમેન ખાતું ખોલાવ્યા વગર જ આઉટ થયો હોય.
આ ફોર્મેટમાં કોઈપણ ભારતીય દ્વારા સૌથી શૂન્ય પર આઉટ થવાનો રોહિતે આ ન ગમતો રેકોર્ડ પોતાના નામે કર્યો છે. તેણે આ અનિચ્છિનીય રેકોર્ડ 141 ઈનિંગમાં બનાવ્યો છે. આ યાદિમાં કે.એલ રાહુલ છે જે 68 ઈનિંગમાં પાંચ વખત શૂન્ય પર આઉટ થયો છે.
રોહિત પ્રથમ ટી20 મેચમાં ભલે શૂન્ય રન પર આઉટ થયો હતો પણ તેણે એક પ્લેયર તરીકે જીતની સદી ફટકારી છે. રોહિત શર્મા મેન્સ T20 ક્રિકેટમાં 100 જીતેલી મેચનો હિસ્સો રહેનાર ઈતિહાસનો સૌપ્રથમ ખેલાડી બની ગયો છે. અને આ તેની 149મી મેચ હતી. રોહિતની કેપ્ટનશીપ હેઠળ ભારતીય ટીમ 46 મેચ હારી છે, જ્યારે એક મેચ ટાઈ રહી હતી અને બે મેચનું કોઈ પરિણામ આવ્યું ન હતું. હિટમેને ટી20માં 3853 રન બનાવ્યા છે અને તેણે ચાર સદી ફટકારી છે.
