પેરિસ પેરાલિમ્પિક ગેમ્સમાં ભારતીય ખેલાડીઓએ શાનદાર પ્રદર્શન કરવાનું ચાલુ રાખ્યું છે. મંગળવારે, ભારતીય દોડવીર દીપ્તિ જીવનજીએ ભારતની કીટીમાં વધુ એક મેડલ ઉમેર્યો અને મહિલાઓની 400 મીટર T20 સ્પર્ધામાં બ્રોન્ઝ મેડલ જીત્યો. આ મેડલ સાથે ભારતે 16 મેડલ જીત્યા છે અને હાલમાં તે મેડલ ટેબલમાં 18માં નંબર પર છે. T20 શ્રેણી બૌદ્ધિક રીતે નબળા ખેલાડીઓ માટે છે.
આ તેનો પહેલો પેરાલિમ્પિક મેડલ છે. 2024ની વર્લ્ડ ચેમ્પિયન દીપ્તિ જીવનજીએ 55.82 સેકન્ડના સમય સાથે આઠ એથ્લેટ્સમાં બ્રોન્ઝ મેડલ જીત્યો હતો. દીપ્તિ, જે આ મહિને 21 વર્ષની થશે, તે યુક્રેનની યુલિયા શુલ્યાર (55.16 સેકન્ડ) અને વર્લ્ડ રેકોર્ડ ધારક તુર્કીની આયસેલ ઓન્ડર (55.23 સેકન્ડ) પાછળ ત્રીજા સ્થાને છે. પેરાલિમ્પિક્સમાં ટ્રેક ઈવેન્ટમાં ભારતનો આ ત્રીજો મેડલ હતો, આ પહેલા પ્રીતિ પાલે ગયા અઠવાડિયે જ પેરિસ પેરાલિમ્પિક્સમાં બે બ્રોન્ઝ મેડલ જીત્યા હતા.
દીપ્તિએ આ વર્ષે વર્લ્ડ રેકોર્ડ બનાવ્યો હતો
દીપ્તિએ આ વર્ષે વર્લ્ડ રેકોર્ડ બનાવ્યો હતોદીપ્તિ જીવનજી વિશે વાત કરીએ તો, આ વર્ષની શરૂઆતમાં તેણે કોબેમાં વર્લ્ડ પેરા એથ્લેટિક્સ ચેમ્પિયનશિપ 2024માં 400 મીટર T20 ઇવેન્ટમાં નવો વર્લ્ડ રેકોર્ડ બનાવ્યો હતો. તેણે પોતાની રેસ 55.07 સેકન્ડના વર્લ્ડ રેકોર્ડ સમયમાં પૂરી કરી હતી અને તેણે હેંગઝોઉ એશિયન ગેમ્સ 2023માં પણ ગોલ્ડ મેડલ જીત્યો હતો. તેણે ભારતના હૈદરાબાદમાં સ્પોર્ટ્સ ઓથોરિટી ઓફ ઈન્ડિયા (SAI)ના તાલીમ કેન્દ્રમાં તાલીમ લીધી છે.
વર્તમાન પેરિસ પેરાલિમ્પિક્સની વાત કરીએ તો, ભારતે 3 ગોલ્ડ, 5 સિલ્વર અને 8 બ્રોન્ઝ મેડલ સહિત કુલ 16 મેડલ જીત્યા છે.
પેરિસ પેરાલિમ્પિક્સ 2024માં ભારતના મેડલ વિજેતાઓ
1. અવની લેખરા (શૂટિંગ) – ગોલ્ડ મેડલ, મહિલાઓની 10 મીટર એર રાઈફલ (SH1)
2. મોના અગ્રવાલ (શૂટિંગ) – બ્રોન્ઝ મેડલ, મહિલાઓની 10 મીટર એર રાઈફલ (SH1)
3. પ્રીતિ પાલ (એથ્લેટિક્સ) – બ્રોન્ઝ મેડલ, મહિલાઓની 100 મીટર રેસ (T35)
4. મનીષ નરવાલ (શૂટિંગ) – સિલ્વર મેડલ, પુરુષોની 10 મીટર એર પિસ્તોલ (SH1)
5. રૂબિના ફ્રાન્સિસ (શૂટિંગ) – બ્રોન્ઝ મેડલ, મહિલાઓની 10 મીટર એર પિસ્તોલ (SH1)
6. પ્રીતિ પાલ (એથ્લેટિક્સ) – બ્રોન્ઝ મેડલ, મહિલાઓની 200 મીટર રેસ (T35)
7. નિષાદ કુમાર (એથ્લેટિક્સ) – સિલ્વર મેડલ, મેન્સ હાઈ જમ્પ (T47)
8. યોગેશ કથુનિયા (એથ્લેટિક્સ) – સિલ્વર મેડલ, મેન્સ ડિસ્કસ થ્રો (F56)
9. નીતિશ કુમાર (બેડમિન્ટન) – ગોલ્ડ મેડલ, મેન્સ સિંગલ્સ (SL3)
10. મનીષા રામદાસ (બેડમિન્ટન) – બ્રોન્ઝ મેડલ, મહિલા સિંગલ્સ (SU5)
11. તુલાસીમાથી મુરુગેસન (બેડમિન્ટન) – સિલ્વર મેડલ, મહિલા સિંગલ્સ (SU5)
12. સુહાસ એલ યથિરાજ (બેડમિન્ટન) – સિલ્વર મેડલ, મેન્સ સિંગલ્સ (SL4)
13. શીતલ દેવી-રાકેશ કુમાર (તીરંદાજી) – બ્રોન્ઝ મેડલ, મિશ્ર કમ્પાઉન્ડ ઓપન
14. સુમિત એન્ટિલ (એથ્લેટિક્સ) – ગોલ્ડ મેડલ, મેન્સ જેવલિન થ્રો (F64 કેટેગરી)
15. નિત્યા શ્રી સિવાન (બેડમિન્ટન) – બ્રોન્ઝ મેડલ, મહિલા સિંગલ્સ (SH6)
16. દીપ્તિ જીવનજી (એથ્લેટિક્સ) – બ્રોન્ઝ મેડલ, મહિલાઓની 400 મીટર (T20)
17. મરિયપ્પન થાંગાવેલુ (એથ્લેટિક્સ મેન્સ હાઈ જમ્પ) – બ્રોન્ઝ મેડલ, (T63)
18. શરદ કુમાર (એથ્લેટિક્સ મેન્સ હાઈ જમ્પ) – સિલ્વર મેડલ, (T63)
19 અજીત સિંહ (એથ્લેટિક્સ મેન્સ જેવલિન થ્રો) – સિલ્વર મેડલ, (F46)
20 સુંદર સિંહ ગુર્જર (એથ્લેટિક્સ મેન્સ જેવલિન થ્રો) – બ્રોન્ઝ મેડલ, (F46)
આ પણ વાંચો – અલી અસદ : ખેલની દુનિયામાં ફરી કપાણું પાકિસ્તાનનું નાક, આ ખેલાડી પાસેથી લેવાયો મેડલ પાછો
