ગુજરાતના રાજકારણમાં આજે જબરી ચહલ પહલ જોવા મળી રહી છે. વડાપ્રધાન નરેન્દ્રભાઇ મોદી અને કેન્દ્રીય ગૃહમંત્રી અમિતભાઇ શાહ આજે સૌરાષ્ટ્ર અને ગુજરાતની મુલાકાત પર છે. સવારે અમિત શાહે દ્વારકામાં જગત મંદિરમાં કાળીયા ઠાકોરના ચરણોમાં શીશ ઝુકવ્યું હતું. આવતીકાલે પણ ગૃહ મંત્રી ગુજરાતમાં છે. કેન્દ્રીય ગૃહ અને સહકારી મંત્રી અમિતભાઇ શાહનું શુક્રવારે રાત્રે માદરે વતન ગુજરાતમાં આગમન થયુ હતું.આજે સવારે 11 કલાકે તેઓએ દ્વારકાની મુલાકાત લીધી હતી. દ્વારકા હેલીપેડ ખાતે તેઓનું ઉતરાણ કરી સીઘ્ધા જ જગત મંદિરે દ્વારકાધીશના દર્શનાર્થે પહોચી ગયા હતા. જયાં તેઓએ ભગવાનની પાદુકાનું પુજન કર્યુ હતું. ત્યારબાદ તેઓએ મોજપ સ્થિત કમાન્ડો સેન્ટરની મુલાકાત લીધી હતી અને અધિકારીઓ સાથે સુરક્ષા સહિતના મુદ્દાઓ પર વિસ્તૃત ચર્ચા કરી હતી.આજે સાંજે વડાપ્રધાન નરેન્દ્રભાઇ મોદીની વિશેષ ઉ5સ્થિતિમાં ગાંધીનગર સ્થિત મહાત્મા મંદિર ખાતે સહકાર સે સમૃધ્ધી સંમેલન યોજાવાનું છે. કેન્દ્રીય સહકાર મંત્રી હોવાના નાતે અમિતભાઇ શાહ આ સંમેલનમાં પણ હાજરી આપશે. આવતીકાલે પણ ગૃહમંત્રી ગુજરાતમાં છે.રવિવારે તેઓના હસ્તે સવારે રાજકોટમાં પોલીસ હેડ કવાર્ટર ખાતે પોલીસના બિન રહેણાંક આવાસ, રહેણાંક આવાસ તથા સાયબર ક્રાઇમ બ્રાન્ચ અને ક્રાઇમ બ્રાન્ચના પોલીસ સ્ટેશનનું ઇ-લોકાર્પણ કરશે તેઓના હસ્તે સાવરકુંડલા તાલુકાના વંડામાં બનાવવામાં આવેલ પોલીસ સ્ટેશનના વડા ભવનનું ઇ લોકાર્પણ કરવામાં આવશે. આ ઉપરાંત આવતીકાલે રાજયમાં નિર્માણ પામેલા જુદા જુદા પોલીસ ભવન, એસ.પી. કચેરી, પોલીસ લાઇનનું નડીયાદથી એક સાથે ઇ-લોકાર્પણ કરશે. જેમાં રાજકોટ અને સાવરકુંડલાના વંડા ઉપરાંત લાલપુર પોલીસ સ્ટેશન, કાલાવાડ, જામજોધપુર, પોલીસ સ્ટેશનનું ઇ લોકાર્પણ કરવામાં આવશે.
Trending
- હોળી પાર્ટીમાં તમારા લુકને ગ્લેમરસ બનાવો, આ સફેદ ઓર્ગેન્ઝા ગાઉનને સ્ટાઇલ કરો
- વર્ષનું પહેલું સૂર્યગ્રહણ ચૈત્ર અમાવસ્યાના રોજ થશે, જાણો તર્પણ, સૂતક કાળ વગેરે ..
- આ સેડાનમાં ડીઝલ એન્જિનનો વિકલ્પ પણ ઉપલબ્ધ , કંપનીએ જણાવ્યું કે તે ક્યારે લોન્ચ થશે?
- સાપ પકડાઈ જતાં પોતાના શરીરમાંથી આ વસ્તુ કાઢી નાખે છે, જવાબ જાણીને તમને નવાઈ લાગશે
- ૧૮ મહિના પછી કેતુ સિંહ રાશિમાં ગોચર કરશે, આ ૩ રાશિઓ માટે આવશે સારો સમય
- 20 હજારથી ઓછી કિંમતના પાંચ શક્તિશાળી 5G ફોન, OnePlus અને Samsung પણ યાદીમાં
- પાણીમાં સોજી અને ચણાની દાળમાંથી સ્વાદિષ્ટ ટિક્કી બનાવો ,એકદમ ટેસ્ટી અને ચટાકેદાર બનશે
- પરીક્ષામાં હાજરી ન આપી શકે તે માટે ધોરણ ૧૦ ના વિદ્યાર્થીનું અપહરણ, બદમાશોએ તેને રૂમમાં બંધ કરીને માર માર્યો