અમિત શાહ:જરા પણ ચિંતા ન કરતા તમારી સમસ્યાઓનું લિસ્ટ મારી જોડે છે.

કેન્દ્રીય ગૃહમંત્રી અમિત શાહે સભાને સંબોધન કરતા જણાવ્યું હતું કે જ્યારથી ભાજપની સરકાર ગુજરાતમાં આવી ત્યારથી જનતા ધારાસભ્યને ત્યાં જવાના બદલે ધારાસભ્યએ જનતા જોડે જવાની પરંપરા શરૂ થઇ અને ગુજરાતની અંદર વિકાસની યાત્રા શરૂ થઇ. આ બદલાવ ભાજપની કાર્ય સંસ્કૃતીના કારણે થયો. પહેલા લોકતંત્ર આવ્યું હતું. પણ તંત્ર લોકો પણ હાવી હતું અને આજે લોકો તંત્ર પર હાવી છે. દરેક વ્યક્તિ જવાબ લે છે. મારે પણ જવાબ આપવો પડે. એટલે જ સહેજ હળવાસ થઇ એટલે મારા સાથીઓને કહ્યું કે, મર્યાદા જે કોઈ પણ તેની વચ્ચે કાર્યક્રમ ગોઠવો આજે 43 કરોડ રૂપિયાના જુદા-જુદા વિકાસના કામો શરૂ થઇ રહ્યા છે અથવા તો પુરા થઇ રહ્યા છે. કેટલાક લોકોના ફોન આવે છે અમને પાણી નથી મળતું ડાંગર સુકાઈ છે પણ અહિયાથી હું કહીને જાઉં છું કે, તમે જરા પણ ચિંતા ન કરતા તમારી સમસ્યાઓનું લિસ્ટ મારી જોડે છે. પાણી પણ મળશે અને ડાંગર પણ જીવશે.

કેન્દ્રીય ગૃહમંત્રી અમિત શાહે સાણંદ અને બાળવામાં વિકાસના કામોનું ખાત મુહુર્ત કર્યું હતું. તે સમયે તેમણે એક સભાને સંબોધન પણ કર્યું હતું. સભાને સંબોધન કરતા સમયે તેમણે વૃક્ષારોપણ પણ વધારે ભાર મૂક્યો હતો. તેમણે કહ્યું હતું કે, વૃક્ષો વાવવાનું જો વિચારીને નહીં કરીએ તો પૃથ્વી લાંબા સમય સુધી નહીં ચાલે. સાથે જ તેમણે ગુજરાતની 6 દીકરીઓ ઓલમ્પિકમના ભાગ લેશે તે વાતનો ઉલ્લેખ પણ તેમના ભાષણ દરમિયાન કર્યો હતો.

તેમણે વધુમાં જણાવ્યું હતું કે, ગામ તળની અંદર જ્યાં ખાલી જગ્યાઓ પડી હોય PHC, CHC, પોલીસ સ્ટેશન દરેક સાર્વજનિક જગ્યાઓ પર વૃક્ષારોપણની શરૂઆત કરવાનું કામ અભિયાન એ આવનારી પેઢી માટેનું અભિયાન છે. આ અભિયાન આપણી બીજી અને ત્રીજી પેઢીને સ્વસ્થ જીવન જીવવા માટેનું અભિયાન છે પરંતુ વૃક્ષો વાવવાનું જો વિચારીને નહીં કરીએ તો પૃથ્વી લાંબા સમય સુધી નહીં ચાલે. વૃક્ષો કાપતા પહેલા પણ વિચાર કરવો પડશે અને વિચારીને વાવવાની પણ શરૂઆત કરવી પડશે. આપણે રોડ બનાવવાના બહાને, મકાન બનાવવાના બહાને અને GIDC બનાવવાના બહાને ધડાધડ વૃક્ષો કાપતા જઈએ છીએ. બુઢી ધરતી ક્યારે પણ વરસાદ ન લાવે. તેની કમી પૂરી કરવાનું કામ ભારતીય જનતા પાર્ટીના કાર્યકર્તાઓનું છે અને સૌ સામાજિક કાર્યકર્તાઓનું છે અને સૌએ સાથે મળીને આ દિશામાં આગળ વધવાનું છે.