પાલનપુર ખાતે થયેલ આર્યન મર્ડર કેશના તમામ આરોપીઓને ગણતરીના દિવસોમાં પકડી પાડતી બનાસકાંઠા પોલીસ.

Shantishram News l શાંતિશ્રમ ન્યૂઝ l

થોડાક દિવસ પહેલા પાલનપુર ખાતે આદર્શ સ્કૂલ કેમ્પસ પાસેથી આર્યન મોદી નામના વિદ્યાર્થીનું અપહરણ કરવામાં આવ્યું હતું અને તેને અજ્ઞાત સ્થળે લઈ ગયા બાદ આર્યનને ઢોર મારવામાં આવેલ અને તેનો નિવસ્ત્ર વિડીયો પણ ઉતારવામાં આવેલ

ત્યારબાદ અજ્ઞાત શખ્સોએ તેને ઝેરી પીણું પીવડાવી અને રઝળતો મૂકી દેવામાં આવેલ. મોડી રાત્રે આર્યન મોદી ઘરે પહોંચ્યો ત્યારે તેને ઉલટી થઈ અને ઉલટી થતા પરિવારના સભ્યો દ્વારા તેને સારવાર માટે તાત્કાલિક હોસ્પિટલ ખસેડવામાં આવ્યો જ્યાં તેનું સારવાર દરમિયાન મોત થયું હતું.

ઘટનાની જાણકારી મળતા પાલનપુર પોલીસ ઘટના સ્થળે પહોંચી અને સમગ્ર મામલે તપાસ શરૂ કરી પોલીસની પ્રાથમિક તપાસમાં આર્યન મોદીની હત્યા પ્રેમ પ્રકરણમાં થઈ હોવાની વિગતો સામે આવી.

સમગ્ર બનાવની પગલે પાલનપુર પંથકમાં પોલીસ પ્રત્યે રોષની લાગણી જોવા મળી.

જેના પરિણામે પાલનપુર પૂર્વ પોલીસના પીઆઈ જે.પી. ગોસાઈને સસ્પેન્ડ કરવામાં આવ્યા અને

જે.આર. મોથલીયા પોલીસ મહા નિરીક્ષક, કચ્છ-ભુજ તથા અક્ષયરાજ મકવાણા પોલીસ અધિક્ષક બનાસકાંઠા ના માર્ગદર્શન હેઠળ પોલીસ વિભાગની વિવિધ ટીમ બનાવી પોલીસ સ્ટાફના માણસો સાથે તથા પોતાના ભરોસાના બાતમીદારો મારફતે, તથા ટેકનીકલ એનાલીસીસ, તથા નેત્રમ ટીમની મદદ મેળવી ગુનામાં કયા કયા આરોપીઓ સંડોવાયેલ છે

પ્રથમ સમગ્ર ઘટના કેમ બની ? કેવી રીતે બની ?

તે તમામ બાબતોનો અભ્યાસ કરી કયા આરોપીએ કેવી ભૂમીકા ભજવેલ છે તે પુરાવા આધારે નક્કી કરી

ગુનાના તમામ આરોપીઓના પુરા નામ – સરનામા મેળવી આ કામના આરોપીઓને પકડવા સારૂ પોલીસની અલગ અલગ કુલ – ૬ ટીમો બનાવવામાં આવી

જે તમામ ટીમ મહારાષ્ટ્ર, રાજસ્થાન, મધ્યપ્રદેશ, વિગેરે રાજ્યોના ૧૨ થી વધુ જિલ્લામાં ૧૫૦ થી વધુ સ્થળોએ છાપેમારી કરી.

આ આરોપીઓ નાસ્તા ફરતા હતા ત્યારે પોતાનો મોબાઈલ ફોન સ્વીચ ઓફ કરેલ હોવા છતા પોલીસની અલગ અલગ ટીમોની જહેમત થકી નાસતા ફરતા નીચે મુજબના તમામ આરોપીઓને પોલીસે ગણતરીના દિવસોમાં પકડી પાડેલ છે.