Shantishram
બ્રેકીંગ ન્યૂઝ
અમદાવાદ ગુજરાત પર્યાવરણ

ગુજરાત રાજ્યમાં 5 જુલાઇ સુધી મધ્યમથી ભારે વરસાદની સંભાવના છે

હવામાન નિષ્ણાતોના જણાવ્યા અનુસાર, રાજ્યમાં ચોમાસું ધીમે ધીમે જામી રહ્યું છે, જેના કારણે 5 જુલાઈ સુધીમાં રાજ્યના મોટાભાગના વિસ્તારોમાં વાદળી આકાશ વચ્ચે હળવો વરસાદ પડશે. ખાસ કરીને દક્ષિણ ગુજરાત-સૌરાષ્ટ્રમાં ભારે જ્યારે મધ્ય અને ઉત્તર ગુજરાતમાં હળવાથી મધ્યમથી ભારે વરસાદની અપેક્ષા છે. રાજ્યમાં વાદળો મહેરબાન થયા છે. રાજ્યમાં અત્યાર સુધીમાં સરેરાશ 2 ઈંચ વરસાદ નોંધાયો છે ત્યારે હવામાન વિભાગે રાજ્યમાં આગામી 5 દિવસ વરસાદની આગાહી કરી છે. હવામાન વિભાગના જણાવ્યા અનુસાર આજે સૌરાષ્ટ્ર, દક્ષિણ ગુજરાત અને કચ્છમાં વરસાદની સંભાવના છે. સૌરાષ્ટ્રમાં રાજકોટ, જામનગર, પોરબંદર, જૂનાગઢ, અમરેલી, બોટાદ, ભાવનગર, દ્વારકા અને ગીર સોમનાથમાં આજે વરસાદની આગાહી કરવામાં આવી છે.

આ સાથે 28 જૂને ઉત્તર ગુજરાત, દક્ષિણ ગુજરાત અને સૌરાષ્ટ્રમાં વરસાદની આગાહી છે.સરબકાંઠા, અરવલ્લી, ખેડા, આણંદ, પંચમહાલ, દાહોદ, મહિસાગર, અમરેલી, ગીર સોમનાથ, જૂનાગઢ, પોરબંદર અને દીવમાં વરસાદની આગાહી છે. આ ઉપરાંત ઉત્તર ગુજરાત અને દક્ષિણ ગુજરાતમાં 29 જૂને વરસાદની આગાહી છે. ગાંધીનગર, ખેડા, અરવલ્લી, આણંદ, પંચમહાલ, અમદાવાદ, દીવ, દમણ અને દાદરનગર હવેલીમાં વરસાદની આગાહી છે. 30 જૂને જામનગર, રાજકોટ, પોરબંદર, જૂનાગઢ, અમરેલી, ભાવનગર, દ્વારકા, ગીર સોમનાથ અને દીવમાં પણ વરસાદની આગાહી કરવામાં આવી છે. ઉલ્લેખનીય છે કે રાજ્યના 11 તાલુકાઓમાં હજુ સુધી વરસાદની એન્ટ્રી થઈ નથી. છેલ્લા 24 કલાકમાં 108 તાલુકાઓમાં સૌથી વધુ વરસાદ સુરતના ઉમરપાડામાં 2.5 ઈંચ, ધરમપુરમાં 2.5 ઈંચ, જાંબુઘોડામાં 2 ઈંચ, સોનગઢમાં 2 ઈંચ, ચીખલીમાં 2 ઈંચ, ધોળકામાં 1.5 ઈંચ, વઘઈમાં 1.5 ઈંચ વરસાદ નોંધાયો છે. ગોધરામાં ઇંચ, ફતેપુરામાં 1.5 ઇંચ. લાલપુરમાં 1.5 ઈંચ, કુતિયાણામાં 1.5 ઈંચ, આણંદમાં 1.5 ઈંચ, વિરમગામમાં 1.5 ઈંચ, કાથાલાલમાં 1 ઈંચ અને ગલતેશ્વરમાં 1 ઈંચ વરસાદ નોંધાયો છે. બીજી તરફ ગત મોડી સાંજે રાજ્ય સહિત અમદાવાદમાં ભારે પવન સાથે પડેલા ભારે વરસાદને કારણે શહેરમાં ઠેરઠેર વૃક્ષો ધરાશાયી થયા હતા. તેમજ હવામાન વિભાગના સૂત્રોના જણાવ્યા અનુસાર દક્ષિણ ગુજરાત, મધ્ય ગુજરાત અને સૌરાષ્ટ્રમાં સારો વરસાદ પડ્યો હતો. અને આગામી દિવસોમાં દક્ષિણ ગુજરાત, સૌરાષ્ટ્રમાં હજુ પણ વરસાદની આગાહી છે.

Advertisement

संबंधित पोस्ट

શાંતિશ્રમ સમાચાર તાઃ2-05-2022 સમાચારની હાઈલાઈટ

Shanti Shram

અમદાવાદના કોટ વિસ્તારમાં ચાતુર્માસિક આરાધનાર્થે બિરાજમાન પૂજ્ય ગુરુ ભગવંતોનું સામૂહિક ચાતુર્માસ પરિવર્તન યોજાયું.

Shanti Shram

રાજકોટમાં અજાણ વ્યક્તિએ બચાવ્યો કોવિડ દર્દીનો જીવ.

shantishramteam

ગુરૂરામ પાવનભૂમિ સુરત મધ્યે મહામાંગલિક યોજાયું.

Shanti Shram

ઈમાનદારી ને સલામ !! વાલ્મીકી વૃધ્ધ દ્વારા 11 તોલા દાગીના ભરેલી થેલી પરત

Shanti Shram

મહિલા મંડળ દ્વારા દીઓદરમાં ઉત્તરાયણ નિમિત્તે લાડુ-અને ઘાસચારાનું આયોજન

Shanti Shram