ગગનયાન 1 જાન્યુઆરી અથવા ફેબ્રુઆરી 2024માં લોન્ચ થવાની ધારણા
વર્ષ 2024 માં ISRO નું એક મોટું અભિયાન “NASA ISRO
ત્રણ ભારતીયોને ત્રણ દિવસ માટે પૃથ્વીની ભ્રમણકક્ષામાં મોકલીને પૃથ્વી પર પાછા લાવવામાં આવશે
2024માં વિશ્વની નજર ISROના આગામી ઘણા મોટા મિશનો પર રહેનાર છે, જેમાં ISRO-NASA સંયુક્ત મિશન NISAR ના પ્રક્ષેપણ સિવાય ગગનયાન મિશનના બે તબક્કાનો સમાવેશ છે. જ્યાં INSAT3DS અને એક્સ-રે પોલેરોમીટર સેટેલાઈટ ઈસરોની ક્ષમતા વધારવાનું કામ કરશે. મંગલયાન 2 અને શુક્રયાન 1 ના પ્રક્ષેપણની પણ આતુરતા પૂર્વક રાહ જોવાઈ રહી છે.
એક સમય એવો હતો જ્યારે ભારતની અવકાશ એજન્સી, ભારતીય અવકાશ સંશોધન સંસ્થા, ISRO, ભારતની સરકારી સંસ્થા કરતાં વધુ માનવામાં આવતી હતી. પરંતુ આજે તે વિશ્વની અગ્રણી અવકાશ એજન્સીઓમાંની એક બનવા તરફ આગળ વધી રહી છે. નાસા જેવી મોટી એજન્સી ઉપરાંત, લોકોની નજર 2024માં ઈસરોના મિશન ઉપર છે.
ઈસરોનું સૌથી મોટું મિશન જેની લોકો રાહ જોઈ રહ્યા છે તે છે ગગનયાન મિશન. નાસાના આર્ટેમિસ મિશનની જેમ, ISROનું મિશન ત્રણ તબક્કામાં હાથ ધરવામાં આવશે અને તેના પ્રથમ બે તબક્કા 2024માં પૂર્ણ થવાની અપેક્ષા છે. ગગનયાન 1 જાન્યુઆરી અથવા ફેબ્રુઆરી 2024માં લોન્ચ થવાની ધારણા છે. આ અનક્રુડ (પરંપરાગત ઈંધણ વિના) મિશન અવકાશયાનની સિસ્ટમનું પરીક્ષણ કરશે. જ્યારે ગગનયાન 2 માં, એક હ્યુમનૉઇડને અવકાશમાં મોકલવામાં આવશે અને વાહનની ફરીથી પ્રવેશ અને ઉતરાણ સિસ્ટમનું પરીક્ષણ કરવામાં આવશે. તેનો ત્રીજો તબક્કો 2025માં પૂર્ણ થવાની ધારણા સેવાઇ રહી છે. જેમાં ત્રણ ભારતીયોને ત્રણ દિવસ માટે પૃથ્વીની ભ્રમણકક્ષામાં મોકલીને પૃથ્વી પર પાછા લાવવામાં આવશે.
સિન્થેટિક એપર્ચર રડાર” એટલે કે NISAR અભિયાન નાસાના સહયોગથી હાથ ધરવામાં આવશે. આ ઉપગ્રહ જાન્યુઆરી 2024માં લોન્ચ કરવામાં આવશે જે રિમોટ સેન્સિંગ દ્વારા પૃથ્વીની કુદરતી પ્રક્રિયાઓનું અવલોકન કરશે. અંદાજે 1.5 બિલિયન ડૉલરના આ અભિયાન દ્વારા ભૂકંપ, ભૂસ્ખલન, સુનામી જેવી કુદરતી આફતો વિશે પણ માહિતી મેળવી શકાશે.
વિશ્વના ઘણા દેશો ચંદ્ર પર પગ મૂકવાની યોજના પર કામ કરી રહ્યા છે અને તેમની યાદીમાં મંગળ પણ સામેલ છે. આવી સ્થિતિમાં ઈસરો પણ મંગળને લઈને પાછળ રહેવા માંગતું નથી. તેથી, તે તેના બીજા માર્સ ઓર્બિટર મિશન 2 (MOM2) માટે તૈયારી કરી રહ્યું છે. MOM 1 ની સફળતા પછી, ISRO હવે મંગળ ગ્રહના વાતાવરણ, સપાટી અને આબોહવાનો અભ્યાસ કરવા MOM 2 માટે તૈયારી કરી રહ્યું છે, જેના સાધનો મંગળના ચુંબકીય ક્ષેત્ર ઉપરાંત મંગળની સપાટીને મેપ કરવા માટે પણ કામ કરશે. તેના લોન્ચિંગની ચોક્કસ તારીખ નક્કી કરવામાં આવી નથી, પરંતુ તેને 2024માં લોન્ચ કરવામાં આવી શકે તેવી ધારણા છે.
