વન નેશન વન ઈલેક્શન માટે રચાયેલી ઉચ્ચ સ્તરીય સમિતિએ રિપબ્લિકન પાર્ટી ઓફ ઈન્ડિયા આઠવલે (RPI) અને આમ આદમી પાર્ટી (AAP)ના સભ્યો સાથે વાતચીત કરી હતી. સમિતિના અધ્યક્ષ રામ નાથ કોવિંદ અને તેના સભ્યો ડૉ એનકે સિંહ અને સંજય કોઠારીએ રાજકીય પક્ષો સાથે દેશમાં એકસાથે ચૂંટણી યોજવાના મુદ્દે ચર્ચા કરી હતી.
સામાજિક ન્યાય અને અધિકારિતા મંત્રાલયના રાજ્ય મંત્રી અને આરપીઆઈના પ્રમુખ રામદાસ આઠવલેએ સમિતિ સમક્ષ દેશમાં એકસાથે ચૂંટણી યોજવા અંગે તેમના પક્ષના વિચારો રજૂ કર્યા. આ સાથે જ તેમણે આમ આદમી પાર્ટીના રાષ્ટ્રીય સચિવ પંકજ કુમાર ગુપ્તા અને પાર્ટીના વરિષ્ઠ નેતા જાસ્મીન શાહ સાથે પણ વાત કરી.
સીપીઆઈના જનરલ સેક્રેટરી ડી રાજા સાથે અંગત વાતચીત
તેમણે સમિતિ સમક્ષ પોતાના પક્ષના વિચારો રજૂ કર્યા. બુધવારે, કમિટીએ રાજકીય પક્ષો સાથે પરામર્શના ભાગરૂપે, ભારતીય કમ્યુનિસ્ટ પાર્ટીના જનરલ સેક્રેટરી ડી રાજા સાથે વ્યક્તિગત વાતચીત કરી હતી. ડી રાજાએ સમિતિ સમક્ષ મૌખિક અને લેખિતમાં પોતાના વિચારો રજૂ કર્યા હતા.
