National News : હરિયાણાના ગુરુગ્રામના અર્જુન નગર વિસ્તારમાં શનિવારે એક સ્મશાનભૂમિની દિવાલ ધરાશાયી થતાં એક સગીર બાળકી સહિત ચાર લોકોના મોત થયા હતા. સાંજે 6.20 વાગ્યાની આસપાસ બનેલી આ ઘટનામાં બે લોકો ઘાયલ પણ થયા હતા.
પોલીસે જણાવ્યું કે મદનપુરી સ્મશાનગૃહની જાળવણી અને વ્યવસ્થાપન સમિતિના સભ્યો ફરાર છે અને બેદરકારીના કારણે મૃત્યુનો કેસ નોંધવામાં આવ્યો છે.
આ ઘટના સ્મશાન ભૂમિ પાસે લાગેલા સીસીટીવી કેમેરામાં કેદ થઈ ગઈ હતી. તસ્વીરમાં, અર્જુન નગર કોલોનીના કેટલાક રહેવાસીઓ સ્મશાનની બાઉન્ડ્રી વોલ પાસે ખુરશીઓ પર બેઠેલા જોઈ શકાય છે, જ્યારે અચાનક દિવાલ પડી જાય છે. તેમના ઘર સ્મશાનની પાછળ છે.
પોલીસે જણાવ્યું હતું કે ઘાયલોને હોસ્પિટલમાં લઈ જવામાં આવ્યા હતા જ્યાં તેમાંથી ચાર દેવી દયાલ (70), કૃષ્ણા (52), મનોજ ગાબા (41) અને સગીર છોકરીને મૃત જાહેર કરવામાં આવી હતી.
