લતા મંગેશકર અને તેમના પરિવારને રામ મંદિરનું આમંત્રણ આપવામાં આવ્યું

વિવિધ બોલીવુડ સ્ટાર્સ અને અનેક હસ્તીઓને આમંત્રણ આપવામાં આવ્યાં

દિગ્ગજ બોલિવૂડ ગાયિકા આશા ભોંસલેના ફોટો સોશિયલ મીડિયા પર વાઈરલ થયા

અયોધ્યા રામ મંદિરમાં 22 જાન્યુઆરીએ રામલલાના અભિષેક અને રામ મંદિરના પ્રાણપ્રતિષ્ઠા મહોત્સવને લઈને દેશભરમાં આમંત્રણ પત્રિકાઓ મોકલવામાં આવી રહી છે. અને દેશ-વિદેશમાં લોકોમાં રામ મંદિર પ્રાણપ્રતિષ્ઠા મહોત્સવને લઈને અનેરો ઉત્સાહ જોવા મળી રહ્યો છે.

ત્યારે સમાચાર મળી રહ્યાં છે કે, સંગીત ક્ષેત્રના ખ્યાતનામ સિંગર લતા મંગેશકર અને તેમના પરિવારને રામ મંદિરનું આમંત્રણ આપવામાં આવ્યું છે. ત્યારે મહત્વનું છે કે આ પહેલાં પણ વિવિધ બોલીવુડ સ્ટાર્સ અને અનેક હસ્તીઓને આમંત્રણ આપવામાં આવ્યાં…

મળતી માહિતી અનુસાર, રામ મંદિરના ઉદ્ઘાટન માટે મંગેશકર પરિવારને મળ્યું આમંત્રણ છે. જેમાં આ સ્ટાર સિંગર પણ કાર્યક્રમમાં ભાગ ભાગ લેશે. અયોધ્યામાં 22 જાન્યુઆરીએ રામ મંદિર પ્રાણ પ્રતિષ્ઠા સમારોહનું ભવ્ય આયોજન છે. જેને લઈને મંગેશકર પરિવારને પણ કાર્યક્રમ માટે આમંત્રણ આપવામાં આવ્યું છે. હાલમાં રામ મંદિરના પ્રાણ પ્રતિષ્ઠા કાર્યક્રમને લઈને સમગ્ર દેશમાં ખુશીની લહેર જોવા મળી રહી છે. રામનગરી અયોધ્યામાં યોજાનારા આ ભવ્ય કાર્યક્રમ માટે માત્ર રાજકારણીઓ જ નહીં પરંતુ સિનેમા જગતની અનેક મોટી હસ્તીઓને પણ આમંત્રિત કરવામાં આવી છે.

હવે આ યાદીમાં મંગેશકર પરિવારનું નામ પણ સામેલ થયુ છે.હિન્દી સિનેમાની દિવંગત ગાયિકા લતા મંગેશકરના પરિવારને આજે સોમવારે રામ મંદિરના ઉદ્ઘાટન સમારોહ માટે આમંત્રણ અપાયું હતું. આ આમંત્રણ પત્ર લતા મંગેશકરની બહેન અને દિગ્ગજ બોલિવૂડ ગાયિકા આશા ભોંસલેને આપવામાં આવ્યું હતું. જેના ફોટો સોશિયલ મીડિયા પર વાઈરલ થયા હતાં. ફોટોમાં રામ મંદિર કાર્યક્રમ માટે આમંત્રણ મળ્યા બાદ ગાયિકા ખૂબ જ ખુશ જોવા મળી રહી હતી.