રાજસ્થાનમાં વિધાનસભા ચૂંટણીનો પ્રચાર પૂરજોશમાં ચાલી રહ્યો છે. પૂર્વ મુખ્યમંત્રી વસુંધરા રાજેને સીએમ ચહેરા તરીકે જોવામાં આવી રહ્યા છે. દરમિયાન, શુક્રવારે રાજેએ ઝાલાવાડમાં રાજકારણ છોડવાનો સંકેત આપીને ચોંકાવી દીધા હતા. અહીં તેમના સાંસદ પુત્ર દુષ્યંત સિંહનું ભાષણ સાંભળ્યા બાદ વસુંધરા રાજેએ ભાજપની રેલીને સંબોધિત કરી હતી. તેમણે કહ્યું, મારા પુત્રની વાત સાંભળીને મને લાગે છે કે મારે હવે નિવૃત્તિ લઈ લેવી જોઈએ. રાજેએ આગળ કહ્યું, તમે બધાએ તેને એટલી સારી રીતે તાલીમ આપી છે કે મારે તેને આગળ ધકેલવાની જરૂર નથી. તમામ ધારાસભ્યો અહીં છે અને મને લાગે છે કે તેમના પર નજર રાખવાની જરૂર નથી. કારણ કે તેઓ પોતાના દમ પર લોકો માટે કામ કરશે.
રાજસ્થાનમાં 200 સભ્યોની વિધાનસભા ચૂંટણીમાં 25 નવેમ્બરે મતદાન છે અને 3 ડિસેમ્બરે મતગણતરી થશે. પૂર્વ સીએમ વસુંધરા રાજે શનિવારે ઝાલાવાડ વિધાનસભા મતવિસ્તારથી પોતાનું ઉમેદવારી પત્ર ભરશે. આ પહેલા શુક્રવારે તેમણે પાર્ટીની રેલીને સંબોધિત કરી હતી. અહીં રાજેના પુત્ર અને ઝાલાવાડ-બારણ લોકસભા સીટના સાંસદ દુષ્યંત સિંહ પણ રેલીમાં ભાગ લેવા પહોંચ્યા હતા. તેમણે સભાને પણ સંબોધી હતી.
ઉલ્લેખનીય છે કે, ભાજપે રાજસ્થાનમાં આ વખતે પોતાનો મુખ્યમંત્રીપદનો ચહેરો જાહેર કર્યો નથી. આવી સ્થિતિમાં, છેલ્લા ઘણા મહિનાઓથી ભાજપની ચૂંટણી જીતવામાં રાજેની ભૂમિકા અંગે અટકળો ચાલી રહી છે. રાજે પાંચ વખત સાંસદ અને ચાર વખત ધારાસભ્ય રહી ચૂક્યા છે.
વસુંધરા 5 વખત સાંસદ અને 4 વખત ધારાસભ્ય રહી ચૂક્યા છે
વસુંધરા રાજેના પુત્ર દુષ્યંત સિંહ ઝાલાવાડ-બારણ લોકસભા સીટથી સાંસદ છે. પાંચ વખત સાંસદ અને ચાર વખત ધારાસભ્ય રહી ચૂકેલી વસુંધરાને મુખ્યમંત્રીના ચહેરા તરીકે જાહેર કરવાની સતત માંગ કરવામાં આવી રહી છે. જો કે ભાજપે આવું કર્યું નથી, જેના પછી તેમની ભૂમિકાને લઈને અનેક સવાલો ઉભા થઈ રહ્યા છે
