આંધ્રપ્રદેશના નેલ્લોર જિલ્લામાં એક ભયાનક માર્ગ અકસ્માત થયો છે. પ્રાપ્ત માહિતી અનુસાર, ટ્રક અને બસ વચ્ચે અથડામણ થઈ હતી. આ દરમિયાન અકસ્માતમાં 6 લોકોના મોત થયા હતા અને 20 લોકો ઘાયલ થયા હતા. પોલીસે શનિવારે આ ઘટનાની માહિતી આપી હતી.
આજે સવારે 2 વાગ્યાની આસપાસ શ્રીકાલહસ્તી જઈ રહેલા બે બળદોને લઈ જતી ટ્રકને લોખંડ ભરેલી બીજી ટ્રકે પાછળથી ટક્કર મારતાં અકસ્માત સર્જાયો હતો.
પોલીસે જણાવ્યું કે આ ઘટના મુસુનુરુ ટોલ પ્લાઝા પર બની હતી.
કાવલીના સબ-ડિવિઝનલ પોલીસ અધિકારી વેંકટ રમન્નાએ જણાવ્યું હતું કે, “લોખંડ ભરેલી ટ્રકના ડ્રાઇવરે વાહન પરનો કાબૂ ગુમાવ્યો હતો અને વિરુદ્ધ દિશામાંથી આવતી ખાનગી બસને ટક્કર મારી હતી.”
ચાર લોકોના ઘટનાસ્થળે જ મોત થયા હતા અને અન્ય બે લોકો નેલ્લોરની સરકારી હોસ્પિટલમાં મૃત્યુ પામ્યા હતા, એમ તેમણે જણાવ્યું હતું. કેસ નોંધવામાં આવ્યો છે.
