સરકારે સબસિડીમાં વધારો કરીને ખાતરોની મોંઘવારીથી ચોક્કસપણે ખેડૂતોને બચાવ્યા છે. પરંતુ ડીઝલની ભાવ વધારાથી ખેડૂતોને ખર્ચમાં વધારો થયો છે. જે રીતે ડીઝલનો ભાવ વધી રહ્યો છે, તેના પ્રમાણમાં MSP માં ભાવ વધ્યો નથી. ઘણા ખેતી કામ ડીઝલ પર આધારીત છે.કેન્દ્ર સરકારે ખરીફ 2021 માટે ઘણા પાકોમાં લઘુત્તમ ટેકાના ભાવ માં વધારો કર્યો છે. છેલ્લા એક વર્ષમાં જ ડીઝલની કિંમતમાં લિટર દીઠ આશરે 25 રૂપિયાનો વધારો થયો છે. દેશના મોટા ભાગના વિસ્તારોમાં ખેતી ડીઝલ પર આધારિત છે. ખેતરમાં ખેડાણથી માંડીને પાકને પાણી આપવા જેવા ઘણા ખેતી કામમાં ડીઝલની મહત્ત્વની ભૂમિકા છે. ડીઝલના ભાવમાં વધારાને કારણે ખેતી ખર્ચમાં મોટો વધારો થયો છે.
PM મોદી સાથે જમ્મુ કાશ્મીર ના નેતાઓની બેઠક અગાઉ જમ્મુમાં મહેબૂબા મુફ્તી એ કર્યું વિરુદ્ધ પ્રદર્શન
ડીઝલના ભાવમાં વધારાની વાત કરીએ, તો 1 જૂન, 2020 ના રોજ, ડીઝલનો ભાવ લગભગ 64 રૂપિયા પ્રતિ લીટર હતો. જ્યારે હાલમાં તે વધીને 89 રૂપિયા થયો છે. એટલે કે, એક વર્ષમાં 25 રૂપિયાની વિશાળ વૃદ્ધિ જોવા મળી. ટેક્સના તફાવતને કારણે, આ વધારો રાજ્યમાં પ્રતિ લિટર 20 રૂપિયા પણ થઈ શકે છે. આ વર્ષે ડીઝલના કારણે ઇનપુટ ખર્ચમાં વધારો થશે.મોટાભાગના ખેડૂતો ડીઝલ એન્જિન પમ્પ સેટ્સ દ્વારા તેમના ખેતરોની સિંચાઈ કરે છે. આવી સ્થિતિમાં ડીઝલની મોંઘવારીથી તેઓને સૌથી વધુ ફટકો પડી રહ્યો છે.
