World Hypertension Day 2024: હાઈ બ્લડ પ્રેશર એ ઝડપથી વધતી સમસ્યા છે. પહેલા આ સમસ્યા વધતી ઉંમર સાથે લોકોને પરેશાન કરતી હતી, હવે નાની ઉંમરના લોકો પણ વધુને વધુ તેનો શિકાર બની રહ્યા છે. આ રોગનું સૌથી મોટું કારણ તણાવ છે. અન્ય કારણોમાં વધુ પડતું ધૂમ્રપાન, દારૂનું સેવન અને બિનઆરોગ્યપ્રદ જીવનશૈલીનો સમાવેશ થાય છે. હાઈ બ્લડ પ્રેશરને સાયલન્ટ કિલર પણ કહેવામાં આવે છે. જોકે, કેટલીક ટિપ્સની મદદથી હાઈ બ્લડપ્રેશરને સરળતાથી નિયંત્રિત કરી શકાય છે.
સ્ટ્રેલ ન લો
વધુ પડતા સ્ટ્રેસ લેવાથી હાઈ બ્લડ પ્રેશરની સમસ્યા થઈ શકે છે. તણાવ શારીરિક અને માનસિક સ્વાસ્થ્ય બંને માટે ખરાબ છે. હાઈ બીપી ઉપરાંત તણાવથી પાચન સંબંધી સમસ્યાઓ પણ થઈ શકે છે. તેને ઘટાડવા માટે દરરોજ થોડો સમય ધ્યાન કરો.
વજન નિયંત્રણમાં રાખો
જો તમે હાઈ બ્લડ પ્રેશરને નિયંત્રણમાં રાખવા ઈચ્છો છો તો તમારું વજન પણ નિયંત્રણમાં રાખો. આ માટે સ્વસ્થ અને સંતુલિત ખોરાક લો. વધુ પડતું જંક ફૂડ ન ખાઓ. વજન વધવાથી ડાયાબિટીસ જેવી ગંભીર બીમારી પણ થઈ શકે છે.
મીઠાનું સેવન ઓછું કરો
મીઠું અને ખાંડ બંનેના સેવનથી સ્વાસ્થ્ય સંબંધિત ઘણી સમસ્યાઓ થઈ શકે છે. જ્યારે ખાંડની વધુ માત્રા ડાયાબિટીસનું જોખમ વધારે છે, ત્યારે મીઠાનું સેવન હાઈ બ્લડ પ્રેશરનું જોખમ વધારે છે. આ માટે મીઠું મર્યાદિત માત્રામાં જ ખાઓ. ચિપ્સ, જંક ફૂડ ટાળો.
કસરત કરો
આજના સમયમાં લોકોની જીવનશૈલીમાં ઘણો બદલાવ આવ્યો છે. ઓફિસમાં કામ અને પછી મોબાઈલમાં વ્યસ્ત રહેવાના કારણે લોકોને એક્સરસાઇઝ માટે સમય નથી મળતો. દિનચર્યામાં કસરતનો સમાવેશ કરીને બ્લડ પ્રેશરની સમસ્યાને ઘણી હદ સુધી નિયંત્રણમાં રાખી શકાય છે. આ ઉપરાંત વજન પણ જળવાઈ રહે છે.
