Acidity : આજકાલની લાઈફસ્ટાઈલ, ખોટી ખાનપાનની આદતો વગેરેના કારણે એસિડિટીની સમસ્યા સામાન્ય થઈ ગઈ છે. મસાલેદાર ફૂડ ખાવાથી એસિડિટીની સમસ્યા થઈ શકે છે. લાંબા સમય સુધી ભૂખ્યા રહેવું, ચા-કોફી વગેરેનું વધુ માત્રામાં સેવન કરવું પણ એસિડિટીનું કારણ બની શકે છે. કેટલાક લોકો એસિડિટીની સમસ્યામાં અનેક પ્રકારની દવાઓ અને જ્યુસનો સહારો લે છે. જો કે, તમે દવાઓને બદલે કેટલાક ઘરેલું ઉપાયો પણ અપનાવી શકો છો. જાણો ઘરમાં હાજર એવી વસ્તુઓ વિશે જે એસિડિટીથી છુટકારો મેળવવામાં મદદરૂપ સાબિત થશે.
હીંગ
ગેસની સમસ્યાથી રાહત અપાવવામાં હીંગ ખૂબ જ અસરકારક છે. આ માટે હૂંફાળા પાણીમાં હીંગને મિક્સ કરીને પીવાથી એસિડિટીની સમસ્યામાં રાહત મળે છે.
આદુ પાણી
આદુમાં રહેલા ગુણો એસિડિટી ઘટાડવામાં મદદરૂપ છે. આ માટે આદુના ટુકડાને પાણીમાં ઉકાળો. ગરમ થવા પર તેને ગાળીને પી શકાય છે.
અજવાઈન
એસિડિટીની સમસ્યામાં અજવાઈનનું પાણી પી શકાય છે. આ માટે એક બાઉલ પાણીમાં 2-3 ચમચી અજવાઈન અને કાળું મીઠું નાખીને ઉકાળો. તે ગરમ થઈ જવા પર તેને પી શકાય છે.
છાશ
છાશમાં રહેલું લેક્ટિક એસિડ એસિડિટી ઘટાડવામાં મદદરૂપ માનવામાં આવે છે.
કાળા મરી
ગેસની સમસ્યામાં કાળા મરીનું સેવન કરી શકાય છે. આ માટે દૂધમાં કાળા મરી મિક્સ કરીને પી શકાય છે.
