અષાઢી બિજે મેઘરાજાએ શકુન સાચવ્યા સમગ્ર નાઘેર પંથકમાં દોંઢ ઇંચ વરસાદ વર્ષાવી ખેડૂતો ને ખુશ કર્યા

અષાઢી બિજે મેઘરાજાએ શકુન સાચવ્યા સમગ્ર નાઘેર પંથકમાં દોંઢ ઇંચ વરસાદ દ્રોણેશ્વર ડેમ ઓવરફ્લોલ થતાં હરખની હેલી.. ઊના – ઊના ગીરગઢડા પંથકમાં છેલ્લા ઘણા સમયથી વરસાદએ વિરામ લીધેલ હતો. અને વિરામ બાદ આજે અચાનક વહેલી સવારથી વાતાવરણમાં પલ્ટો જોવા મળેલ. અને બપોરના સમયે એક વાગ્યા પછી ધોધમાર વરસાદ વરસવાનું શરૂ કરેલ અને સમી સાંજ સુધીમાં ઊના અને ગીરગઢડા પંથકમાં દોંઢ ઇંચ વરસાદ વરસ્યો હતો. કેસરીયા, સીમાસી, સામતેર, કાણકબરડા, રામેશ્વર, પસવાળા, ગાંગડા, ખત્રીવાળ, જરગલી, વરશીંગપુર, ખાપટ સહીતના ગામોમાં ૧ થી દોઢ ઇંચ વરસાદ વરસ્યો હતો. જ્યારે દેલવાડા, સનખડા સહીતના આજુબાજુના ગામોમાં અડધો ઇંચ જેટલો વરસાદ પડે હતો. ઊના દોંઢ ઇંચ વરસાદ વરસતા મુખ્ય માર્ગ પર તેમજ ટાવર ચોક નજીક બજારમાં રસ્તા પર પાણી ભરાતા રાહદારીઓ, વાહન ચાલકોને ભારે મુશ્કેલીનો સામનો કરવો પડ્યો હતો. વરસાદ વરસતા ગરમીના ઉકળાટથી ઠંડક પ્રસરી હતી. જ્યારે ગ્રામ્ય વિસ્તારોમાં વરસાદના પાણી ભરાતા કિચડનું સામ્રાજ્ય ફેલાયેલ હતું. વરસાદના પગલે ખેડૂતોના પાકને જીવનદાન મળતા ખેડૂતોના ચહેરા પર ખુશીનો માહોલ જોવા મળે છે.. બોક્ષ્ – દ્રોણેશ્વર ડેમ ઓવરફ્લો… ગીર જંગલના ઉપરવારસમાં ભારે વરસાદના કારણે દ્રોણેશ્વર મારૂતિ ધામ પાસે આવેલ દ્રોણેશ્વર ડેમ ઓવરફ્લો થતાં સમગ્ર વિસ્તારમાં ધરતિપુત્રોમાં હરખની હેલી જોવા મળતી હતી.. બોક્ષ્ – વાવણી બાદ કાચુ સોનુ વરસ્યું… નાઘેર પંથકમાં દશ દિવસ પહેલા વાવણી માટે કાચુ સોનુ વરસ્યુ હોય તેમ ધરતિપુત્રો જણાવી રહ્યા છે