પાકિસ્તાનના મિયાંવાલી એરબેઝ પર થયો આત્મઘાતી હુમલો, ગોળીઓ અને બોમ્બના અવાજથી કંપી પાકિસ્તાની ધરતી

પાકિસ્તાનના પંજાબ પ્રાંતમાં સ્થિત મિયાવાલીમાં સેનાના એરબેઝ પર સવારે હુમલો કરવામાં આવ્યો હતો. અહેવાલો અનુસાર, કેટલાક આતંકવાદીઓ વહેલી સવારે સીડી લગાવી અને વાયર કાપીને એરબેઝની દિવાલ પર ચઢી ગયા હતા. આ ઘટના સંબંધિત જે તસવીરો સામે આવી છે તેમાં એરબેઝમાં ભીષણ ગોળીબાર અને બોમ્બ ધડાકા બાદ આગ જોવા મળી રહી છે. આતંકી સંગઠન તહરીક-એ-જેહાદે આ હુમલાની જવાબદારી લીધી છે. હાલમાં આતંકવાદીઓ વિરુદ્ધ પાકિસ્તાની સેનાનું ઓપરેશન ચાલી રહ્યું છે

એરબેઝ પર છ આતંકીઓએ હુમલો કર્યો હતો. તેમાંથી ત્રણ આતંકીઓને ઠાર માર્યા છે. સેનાએ કહ્યું છે કે, આતંકી હુમલો નિષ્ફળ ગયો છે. આ સાથે સેનાએ જણાવ્યું છે કે તેમનું ઓપરેશન અંતિમ તબક્કામાં છે જો કે હજુ પણ ત્રણ આતંકીઓ બેઝ પર છુપાયેલા છે. આ હુમલામાં એરક્રાફ્ટની ફ્યુઅલિંગ ટેન્ક પણ નાશ પામી હતી. અને આ આત્મઘાતી હુમલામાં વાયુસેનાના ત્રણ વિમાનોને નુકસાન થયું છે.

આ હુમલામાં તહરીક-એ-જેહાદ પાકિસ્તાન (TJP) સંગઠનના અનેક આત્મઘાતી હુમલાખોરો સામેલ હોવાના અહેવાલ છે. આ સંગઠનના પ્રવક્તા મુલ્લા મોહમ્મદ કાસિમે પણ હુમલાને લઈને ચેતવણી જાહેર કરી છે.

Terrorists attack on the Pakistan Air Force base in Mianwali.

#PAF #Mianwali #PakArmy #earthquake #Blast pic.twitter.com/HwwAWQvX7J

— Rimsha Ishaq (@pti_Rimsha) November 4, 2023