International News : ઓસ્ટ્રેલિયામાં હોટલની છત પર હેલિકોપ્ટર ક્રેશ થયું, પાયલોટ સહિત બેના મોત થયા છે

International News: Helicopter Crash in Australia

International News : ઓસ્ટ્રેલિયામાં એક હોટલની છત સાથે હેલિકોપ્ટર અથડાતા પાયલટનું મોત થયું હતું. આ પછી પોલીસે તરત જ સેંકડો લોકોને હોટલમાંથી બહાર કાઢ્યા હતા. ક્વીન્સલેન્ડ પોલીસના જણાવ્યા અનુસાર, પાયલોટ અને એક મુસાફરને ઘટનાસ્થળે મૃત જાહેર કરવામાં આવ્યા હતા. કહેવામાં આવી રહ્યું છે કે હેલિકોપ્ટરના બે પ્રોપેલર તૂટી ગયા છે.

ઓસ્ટ્રેલિયાના કેઇર્ન્સ શહેરમાં એક હોટલની છત સાથે હેલિકોપ્ટર અથડાયું હતું. તરત જ ઈમરજન્સી ટીમને બોલાવવામાં આવી. પોલીસે તરત જ આખી હોટલ ખાલી કરાવી હતી. International News લગભગ 400 લોકોને સુરક્ષિત સ્થળે ખસેડવામાં આવ્યા છે. ઓસ્ટ્રેલિયન મીડિયા અનુસાર, આ દુર્ઘટનામાં પાયલોટ અને વિમાનમાં સવાર અન્ય એક વ્યક્તિનું મોત થયું હતું. કેઇર્ન્સ ઓસ્ટ્રેલિયાના અગ્રણી પ્રવાસી શહેર તરીકે ઓળખાય છે. તે ઓસ્ટ્રેલિયાના ગ્રેટ બેરિયર રીફનું પ્રવેશદ્વાર માનવામાં આવે છે.

ડબલ ટ્રી હોટલની છત સાથે હેલિકોપ્ટર અથડાયું

અધિકારીઓએ સોમવારે જણાવ્યું હતું કે હોટેલની છત પર હેલિકોપ્ટર અથડાયા બાદ હોટલના સેંકડો મહેમાનોને બહાર કાઢવામાં આવ્યા હતા. સોમવારે સવારે 2 વાગ્યે કેર્ન્સમાં હિલ્ટનની ડબલ ટ્રી હોટેલમાં દુર્ઘટના માટે ઇમરજન્સી ક્રૂને બોલાવવામાં આવ્યા હતા. ક્વીન્સલેન્ડ સ્ટેટ પોલીસે એક નિવેદનમાં જણાવ્યું હતું કે સાવચેતીના ભાગરૂપે બિલ્ડિંગને ખાલી કરાવવામાં આવી હતી અને જમીન પર કોઈને ઈજા થઈ નથી. પોલીસ ઘટનાના સંજોગોની તપાસ કરી રહી છે.

હોટલની છતમાં લાગેલી આગ

સોશિયલ મીડિયા પર પોસ્ટ કરાયેલા એક વીડિયોમાં હોટલની છત પર આગ લાગી રહી છે. ઓસ્ટ્રેલિયન મીડિયા રિપોર્ટ્સ અનુસાર હેલિકોપ્ટરના બે પ્રોપેલર તૂટી ગયા છે. આમાંથી એક હોટલના પૂલમાં પડી ગયો છે.

આ પણ વાંચો : PAK: પાકિસ્તાનના લોકો જીવવા માટે કરી રહ્યા છે આવા કામ, વરિષ્ઠ નેતાએ સરકાર પર ઉઠાવ્યા પ્રશ્નો