ઇઝરાયેલ લેબનોન અને ગાઝામાં આતંકવાદી લક્ષ્યો પર હુમલો કરવાનું ચાલુ રાખે છે. ગાઝામાં એક શાળા પર ઈઝરાયેલી દળોએ કરેલા બોમ્બમારામાં ઓછામાં ઓછા 27 લોકો માર્યા ગયા હતા. આ પછી, ગુરુવારે મધ્યરાત્રિએ, ઇઝરાયેલી સેનાએ મધ્ય લેબેનોનના ગીચ વસ્તીવાળા રહેણાંક વિસ્તારોને નિશાન બનાવ્યા. ( Israel Hamas war ) આ હુમલામાં ઓછામાં ઓછા 18 લોકોના મોત થયા હતા અને 92થી વધુ લોકો ઘાયલ થયા હતા. સ્થાનિક ચેનલ અલ જાદિદે અહેવાલ આપ્યો છે કે હુમલો એટલો ભયાનક હતો કે મિસાઈલ હુમલાને કારણે અનેક ઈમારતો જમીનદોસ્ત થઈ ગઈ હતી અને વિસ્તારમાં આગ ફેલાઈ ગઈ હતી. મૃત્યુઆંક હજુ વધી શકે છે. જમીનદોસ્ત ઈમારતોના કાટમાળમાં જીવનની શોધ કરવામાં આવી રહી છે. બીજી તરફ ઈઝરાયેલની સેનાએ કહ્યું કે તેણે મિસાઈલ હુમલામાં હિઝબુલ્લાહના એક વરિષ્ઠ નેતાને નિશાન બનાવ્યું છે.
ગુરુવારે સાંજે મધ્ય બેરુતમાં બે અલગ-અલગ પડોશમાં ઇઝરાયેલ ( Israel attacks Gaza ) ના હવાઈ હુમલામાં ઓછામાં ઓછા 18 લોકો માર્યા ગયા અને 92 અન્ય ઘાયલ થયા. લેબનોનના સ્વાસ્થ્ય મંત્રાલયે આ જાણકારી આપી છે. સ્વાસ્થ્ય મંત્રાલયે કહ્યું કે આ હુમલાઓને કારણે એક રહેણાંક મકાનને ખરાબ રીતે નુકસાન થયું છે અને બીજી ઇમારત સંપૂર્ણપણે ધરાશાયી થઈ ગઈ છે. ઇઝરાયલની સેનાએ લેબનીઝ રાજધાનીમાં આ હવાઈ હુમલાઓ અંગે તાત્કાલિક કોઈ ટિપ્પણી કરી ન હતી, પરંતુ આ હુમલા એવા સમયે થયા છે જ્યારે ઈઝરાયેલે લેબનોનમાં ઈરાન સમર્થિત હિઝબુલ્લાહ વિરુદ્ધ તેના હુમલાનો વ્યાપ વધારી દીધો છે અને ત્યાં જમીની હુમલો શરૂ કર્યો છે.
પ્રત્યક્ષદર્શીઓએ જણાવ્યું કે પહેલો હુમલો રાસ અલ-નબા વિસ્તારમાં થયો હતો. તેમણે કહ્યું કે એવું લાગે છે કે આઠ માળની ઈમારતના નીચેના ભાગમાં વિસ્ફોટ થયો હતો. તે જ સમયે, બીજો હુમલો બુર્જ અબી હૈદર વિસ્તારમાં થયો હતો, જ્યાં એક આખી ઇમારત તૂટી પડી હતી અને આગની જ્વાળાઓમાં લપેટાઈ હતી.
હિઝબુલ્લાહનો ટોચનો કમાન્ડર નિશાને હતો
ઇઝરાયલી મીડિયાએ અહેવાલ આપ્યો છે કે હવાઈ હુમલામાં હિઝબોલ્લાહના સંપર્ક અને સંકલન એકમના વડા વફિક સાફાને નિશાન બનાવવામાં આવ્યું હતું. ( Israel Hezbollah conflict ) અગાઉ, પેલેસ્ટિનિયન તબીબી અધિકારીઓએ જણાવ્યું હતું કે ગાઝામાં વિસ્થાપિત લોકોની એક શાળા આવાસ પર ગુરુવારે ઇઝરાયેલી હુમલામાં ઓછામાં ઓછા 27 લોકો માર્યા ગયા હતા.
આ પણ વાંચો – પાકિસ્તાની ઇમામે એવું તો શું કરી દીધું કે જ્યોર્જિયા મેલોનીએ આપ્યો દેશ છોડવાનો આદેશ
