કેનેડાએ ભારત જનારા પ્રવાસીઓનું વધારાનું પરીક્ષણ કરવાનો નિર્ણય પાછો ખેંચી લીધો છે. કેનેડાના પરિવહન પ્રધાન અનિતા આનંદના કાર્યાલયે ગુરુવારે સીબીસી ન્યૂઝને જણાવ્યું હતું કે તે પ્રતિબંધો હટાવવામાં આવ્યા છે. નવા નિયમો ગયા સપ્તાહે જ લાગુ કરવામાં આવ્યા હતા. કેનેડાએ સોમવારે કહ્યું હતું કે ભારત જનારા પ્રવાસીઓ માટે અત્યંત સાવધાની રાખવામાં આવી રહી છે. એર કેનેડાએ ભારત જનારા મુસાફરો માટે નોટિસ પણ જારી કરી હતી. નોટિસમાં કહેવામાં આવ્યું છે કે, “ભારતમાં મુસાફરી કરતા તમામ પ્રવાસીઓ માટે કડક સુરક્ષા આદેશોને કારણે, તમારી આગામી ફ્લાઇટ માટે રાહ જોવાનો સમય અપેક્ષા કરતા વધુ લાંબો થવાની અપેક્ષા છે.”
સોમવારે, એર કેનેડાના પ્રવક્તાએ ઈમેલ દ્વારા આ વાતની પુષ્ટિ કરતા કહ્યું કે ટ્રાન્સપોર્ટ કેનેડાએ ભારતમાં મુસાફરી કરતા મુસાફરો માટે સુરક્ષા તપાસ અંગેના આદેશો જારી કર્યા છે અને એર કેનેડા તેનું પાલન કરી રહ્યું છે ટોરોન્ટો પીયર્સન ખાતે આજે સાંજે,” ટોરોન્ટો પીયર્સન એરપોર્ટ ટ્વિટર પર એક પોસ્ટમાં જણાવ્યું હતું. જો મુસાફરી કરી રહ્યા હોવ, તો કૃપા કરીને તમારી એરલાઇન સાથે તપાસ કરો અને તમારી ફ્લાઇટ પકડવા માટે પૂરતા સમય પર પહોંચો.”
આ પહેલા નવેમ્બરમાં SFJ ચીફ આતંકી ગુરપતવંત પન્નુએ શીખોને ચેતવણી આપતો વીડિયો જાહેર કર્યો હતો. જેમાં પન્નુએ કહ્યું હતું કે, “19 નવેમ્બર પછી એર ઈન્ડિયામાં ઉડાન ન ભરો. તમારો જીવ જોખમમાં હોઈ શકે છે.” તેણે કહ્યું હતું કે તે એરલાઈન્સનો બહિષ્કાર કરવાની અપીલ કરી રહ્યો છે અને કોઈ ધમકી આપી રહ્યો નથી. જો કે, તે સમયે ઓટાવામાં ભારતના હાઈ કમિશને કેનેડાની સરકાર સાથે આ મામલો ઔપચારિક રીતે ઉઠાવ્યો હતો અને ટ્રાન્સપોર્ટ કેનેડાએ એર ઈન્ડિયાની ફ્લાઈટ્સ માટે સુરક્ષા વધારી હતી.
