નેપાળની બુદ્ધ એરલાઈન્સની ફ્લાઈટના ડાબા એન્જિનમાં આગ લાગતાં કાઠમંડુના ત્રિભુવન ઈન્ટરનેશનલ એરપોર્ટ પર ઈમરજન્સી લેન્ડિંગ કરવું પડ્યું હતું. પ્લેનમાં ક્રૂ મેમ્બર સહિત 76 મુસાફરો સવાર હતા.
વિમાને VOR લેન્ડિંગ કર્યું અને સલામત રીતે એરપોર્ટ પર પરત ફર્યું. હાલમાં કોઈને ઈજા થઈ હોવાની માહિતી નથી. ત્રિભુવન ઈન્ટરનેશનલ એરપોર્ટે એક નિવેદન બહાર પાડીને આ ઈમરજન્સી લેન્ડિંગ અંગે માહિતી આપી છે.
VOR લેન્ડિંગ એ પાઇલોટ્સ માટે VOR (વેરી હાઇ ફ્રિકવન્સી ઓમ્નિડાયરેક્શનલ રેન્જ) તરીકે ઓળખાતા ગ્રાઉન્ડ-આધારિત રેડિયો સ્ટેશનના સિગ્નલોનો ઉપયોગ કરીને એરોપ્લેનને નેવિગેટ કરવા અને ઉતરાણ કરવાનો એક માર્ગ છે.
ઇમરજન્સી લેન્ડિંગની આ પદ્ધતિ પાઇલોટ્સને જ્યારે અંધકાર, ધુમ્મસ કે વરસાદને કારણે રનવે સ્પષ્ટ રીતે જોઈ શકતા નથી ત્યારે રનવે સાથે વિમાનને ગોઠવવામાં મદદ કરે છે.
