ગૂગલ હવે ક્રોમ બ્રાઉઝરને મોટું અપડેટ આપશે. આ અપડેટ બાદ પછી ક્રોમ બ્રાઉઝર યુઝર્સ માટે સર્ચિંગ અને ડાઉનલોડીંગ કરવું સરળ અને સલામત રહેશે. આવી સ્થિતિમાં ગૂગલ છેતરપિંડી જેવી ઘટનાઓને રોકવામાં મદદ મળશે.Google Chrome Update માં ગૂગલ એક નવું સેફ્ટી ફિચર શરૂ કરવા જઈ રહ્યું છે અને આ નવા ફીચર સાથે એક સ્કેનીંગ ટૂલ પણ રજૂ કરવામાં આવશે. આની મદદથી યુઝર્સ ફાઈલને ડાઉનલોડ કરતા પહેલા જ ખતરનાક ફાઇલો વિશેની માહિતી મેળવી શકશે. સુરક્ષિત બ્રાઉઝિંગ માટે આ સુવિધા ગયા વર્ષે શરૂ કરવામાં આવી હતી.
જાણો Whatsapp નું એન્ડ ટુ એન્ડ એન્ક્રિપ્શન ફીચર કેવી રીતે કરે છે કાર્ય
ક્રોમ સિક્યુરિટીના વરુણ ખાનેજાના જણાવ્યા અનુસાર, હવે આ સુવિધામાં એડિશનલ પ્રોટેક્શન આપવામાં આવી રહ્યું છે. આ કિસ્સામાં, જ્યારે યુઝર્સ ક્રોમ વેબ સ્ટોરમાંથી નવું એક્સ્ટેંશન ઇન્સ્ટોલ કરશે ત્યારે એક ડાયલોગ બોક્સ સ્ક્રીન પર દેખાશે. આ ડાયલોગ બોક્સ જાણ કરશે કે તમે જે એક્સ્ટેંશન ઇન્સ્ટોલ કરી રહ્યાં છો તે સુરક્ષિત છે કે નહીં.
