Vadodara: કેમિકલ્સ કંપનીમાં એકાએક ભીષણ આગ, નાસભાગ સાથે દોડધામ મચી

Vadodara: પાંચ જેટલા ભયંકર બ્લાસ્ટોથી ભયનું વાતાવરણ

સાવલીના લામડાપુરા એક કંપનીમાં ભીષણ આગનો બનાવ

વડોદરા સાવલી તાલુકાના લામડાપુરા એક કંપનીમાં ભીષણ આગ બનાવ બનતા નાસભાગ સાથે દોડધામ મચી જવા પામી છે.. મારુતિ કેમિકલ્સ નામની એક ખાનગી કંપનીમાં વિશાળ આગ લાગી છે.. કેમિકલ ના બોઇલર ફાટે તેવી શક્યતાઓથી આજુબાજુમાં ભયનું વાતાવરણ પણ ફેલાયું છે..

આ આગ બનાવ બાદ પાંચ જેટલા બ્લાસ્ટો પણ સાંભળવા મળ્યા હોવાનું સ્થાનિકો જણાવી રહ્યા છે.. તેમજ વિશાળ આગ ના કારણે દૂર દૂર સુધી ધુમાડાના ગોટેગોટા જોવા મળી રહ્યા છે..

આગની ગંભીરતાને ધ્યાને લઈ મેજર કોલ પણ જાહેર કરવામાં આવ્યો છે..

અચાનક લાગેલ આગના પગલે મંજુસર જીઆઇડીસી ના ફાયર ફાઈટર આગને કાબુમાં લેવા સ્થળ પર પહોંચી ગયા છે.. તેમજ મંજુસર પોલીસ પણ ઘટના સ્થળે પહોંચી ગઈ છે..

જ્યારે આ આગની ઘટનાના પગલે લોકોના ટોળા ઉમટી પડતા પોલીસે સુરક્ષાના ભાગરૂપે લોકોના ટોળા દૂર કરી રહી છે..