Gujarat : ભારતીય હવામાન વિભાગે આગામી બે દિવસ સુધી ગુજરાતમાં ભારે વરસાદને લઈને રેડ એલર્ટ જાહેર કર્યું છે. બુધવારે પશ્ચિમ રાજસ્થાન અને આંદામાન નિકોબાર ટાપુઓમાં અને ગુરુવારે પશ્ચિમ રાજસ્થાન, કેરળ અને ઓડિશામાં વરસાદને લઈને ઓરેન્જ એલર્ટ જારી કરવામાં આવ્યું છે.
જમ્મુ-કાશ્મીર સહિત ઉત્તર-પશ્ચિમથી પશ્ચિમ, મધ્ય અને ઉત્તર-પૂર્વ ભારતમાં ભારે વરસાદ પડી રહ્યો છે. લગભગ આખું ગુજરાત અને પશ્ચિમ રાજસ્થાન પૂરનો સામનો કરી રહ્યું છે. બંને રાજ્યોના અનેક વિસ્તારો પાણીમાં ગરકાવ થઈ ગયા છે. ગુજરાતમાં પણ સાત લોકોએ જીવ ગુમાવ્યા છે અને 15,000 થી વધુ લોકોને નીચાણવાળા વિસ્તારોમાંથી બહાર કાઢીને સલામત સ્થળે મોકલવામાં આવ્યા છે, જ્યારે પાણીમાં ઘેરાયેલા 300 લોકોને બચાવી લેવામાં આવ્યા છે.
દેવભૂમિ દ્વારકા, આણંદ, વડોદરા, ખેડા, મોરબી અને રાજકોટ જિલ્લામાં બચાવ કામગીરીમાં સેનાની એક-એક કોલમ તૈનાત કરવામાં આવી છે. હવામાન વિભાગે બુધવારે 22 રાજ્યોમાં ભારે વરસાદને લઈને એલર્ટ જાહેર કર્યું છે.
આ પણ વાંચો – Dwarka : દેવભૂમિ દ્વારકાના ખંભાળિયા તાલુકામાં સૌથી વધુ વરસાદ વરસ્યો
