Robots at Ahmedabad Airport : સરદાર વલ્લભભાઈ પટેલ ઈન્ટરનેશનલ એરપોર્ટ પર મુસાફરોની સુવિધાઓ સતત અપગ્રેડ કરતું રહ્યું છે. સુવિધાઓમાં વૃદ્ધિનો ક્રમ યથાવત રાખતા SVPI એરપોર્ટ પર સૌપ્રથમવાર ઈન્ટેલિજન્ટ ક્લિનિંગ રોબોટ્સ તૈનાત કરવામાં આવ્યા છે. હવે એરપોર્ટ ટર્મિનલ પર મુસાફરોને વધુ સ્વચ્છ અને સુઘડ વાતાવરણ મળી રહે તેની રોબોટ્સ ખાતરી કરશે.
અમદાવાદના એરપોર્ટ પર હવે કંટાળાજનક મેન્યુઅલ સફાઈના દિવસો ગયા. વધુ ટ્રાફિકવાળા વિસ્તારોમાં ટર્મિનલ અને ફોરકોર્ટમાં નવા ઈન્ટેલિજન્ટ રોબોટ્સ સુવિધાઓમાં વધારો કરશે. એટલું જ નહીં, જરૂર પડ્યે તેમાં વધુ વિસ્તારો ઉમેરવાના વિકલ્પો પણ ખુલ્લા રાખવામાં આવ્યા છે. રોબર્ટના કારણે ખૂણે ખૂણાની સતત સફાઈ થતી રહેશે અને ટર્મિનલની સ્વચ્છતા જળવાય રહેશે. ટર્મિનલ 1 અને 2 પર ટેકનોલોજી સંચાલિત સ્વચ્છતા માટેની આ વ્યવસ્થા માટે ચાર રોબોટ્સની ખાસિયતો પણ જાણવા જેવી છે.
રોબોર્ટના વ્હીલ્સ પર કાર્યક્ષમતા
સ્વચ્છતાના આ ચેમ્પિયન દર કલાકે 13,000 સ્ક્વેર ફીટને આવરી શકે છે. તેઓ સિંગલ ચાર્જમાં સતત 8 કલાક કામ કરે છે (રિચાર્જ કરવામાં માત્ર 6 કલાક લાગે છે). તેઓ તમામ સફાઈ કાર્યો, સ્ક્રબિંગ, સૂકવવા અને એપ્લોમ્બ સાથે મોપિંગ માટે સજ્જ છે. વધારાની સગવડ માટે તેઓ બ્લૂટૂથ અથવા Wi-Fi સાથે સ્માર્ટફોન કે ટેબ્લેટ દ્વારા રિમોટથી નિયંત્રિત કરી શકાય છે.
પરિવર્તનશીલ પગલું
ઇન્ટેલિજન્ટ ક્લિનિંગ રોબોટ્સની સ્થાપના SVPI એરપોર્ટની સુવ્યવસ્થિત જાળવણી અને ઑપ્ટિમાઇઝિંગ પ્રક્રિયાઓ માટેની પ્રતિબદ્ધતા દર્શાવે છે. તે સુગમ પ્રવાહ, જાળવણીના ઉચ્ચ ધોરણોને સુનિશ્ચિત કરતા કુદરતી વાતાવરણની ખાતરી કરે છે અને સમયનો બચાવ કરે છે. ભારતીય ઉડ્ડયન ઉદ્યોગમાં SVPI એરપોર્ટ મુસાફરોના અનુભવ અને તકનીકી નવીનતામાં અગ્રણી સ્થાન ધરાવે છે.
રોબોટ્સ નીચે મજબની ખાસીયતો ધરાવે છે
- ભારતમાં નિર્મિત: સ્થાનિક નવીનતાઓને સમર્થન
- 360-ડિગ્રી કવરેજ: ખૂણે-ખૂણામાં સફાઈ માટેની પહોંચ
- અદ્યતન સેન્સર્સ: મુસાફરોની સરળતા સાથે અવરોધો ટાળવા
- અવરોધ શોધ અને પુન: રૂટિંગ: ગતિશીલ વાતાવરણમાં અનુકૂલન
