કચ્છના ધોરડો, સ્ટેચ્યુ ઓફ યુનિટી તથા અટલ બ્રિજની મુલાકાતની ચર્ચા
પીએમઓ દ્વારા પ્રવાસન સ્થળની મુલાકાતને લઈ આખરી નિર્ણય લેવાશે
આગામી તારીખ 9 અને 10 જાન્યુઆરીના વડાપ્રધાન નરેન્દ્ર મોદી Narendr Modi ગુજરાતના પ્રવાસે આવી રહ્યા છે. આ દરમિયાન પીએમ મોદીના ગુજરાત પ્રવાસને લઈ મહત્વના સમાચાર સામે આવ્યા છે.
પીએમ મોદી વાયબ્રન્ટ ના આમંત્રિત પ્રમુખો સાથે પ્રવાસન સ્થળની મુલાકાત કરી શકે છે.
જેમાં તેઓ મુલાકાત દરમિયાન કચ્છના ધોરડો, સ્ટેચ્યુ ઓફ યુનિટી તથા અટલ બ્રિજની મુલાકાતને લઈ ચર્ચા શરૂ થઈ છે. તેમજ આ સાથે વિવિધ કાર્યક્રમોને લઈને તૈયારીઓ તેજ બની છે. પીએમઓ દ્વારા પ્રવાસન સ્થળની મુલાકાતને લઈ આખરી નિર્ણય લેવાશે.
વાયબ્રન્ટ ગુજરાત સમિટ ને ધ્યાને રાખી વડાપ્રધાન નરેન્દ્ર મોદી બે દિવસ ગુજરાત પ્રવાસે આવી રહ્યા છે. પીએમ મોદી તા.9 જાન્યુઆરીનાં રોજ ગ્લોબલ ટ્રેડ શો નાં કાર્યક્રમમાં હાજરી આપશે. ગાંધીનગર હેલિપેડ ગ્રાઉન્ડ ખાતે યોજાનારા ગ્લોબલ ટ્રેડ શો ને ખુલ્લો મુકશે.
બાદમાં તા. 9 જાન્યુઆરીએ પીએમ મોદી રાત્રે રાજભવનમાં રોકાણ કરશે. આ રોકાણ દરમિયાન એક સમીક્ષા બેઠક અને રાજભવન ખાતે મહેમાનો સાથે રાજકીય ભોજનનું આયોજન કરવામા આવ્યુ છે. તેમજ 10 જાન્યુઆરીએ મહાત્મા મંદિરમાં વાયબ્રન્ટ ગુજરાત ગ્લોબલ સમિટનું ઉદ્ઘાટન કરનાર છે.
