રાજ્યમાં પોલીસ વિભાગમા મોટાપાયે બદલી કરવામાં આવી હતી. રાજ્યના 275 PIની બદલીના આદેશ અપાયા હતા. મળતી જાણકારી અનુસાર, ગુજરાત પોલીસમાં 275 પીઆઇના બદલીના આદેશ અપાયા હતા. 232 બિનહથિયારી PI અને 43 હથિયારી PIની બદલી કરવામાં આવી હતી. તમામની આંતર જિલ્લા બદલી કરાઇ હતી.
લોકસભાની ચૂંટણી જેમ જેમ નજીક આવી રહી છે. તેમ તેમ ગુજરાત સરકાર દ્વારા સરકારી અધિકારીઓની બદલીનો ગંજીપો ચીપાઈ રહ્યો છે. 30 જાન્યુઆરીએ 50 જેટલા IAS કક્ષાના અધિકારીઓની બદલી કરવામાં આવી હતી. ત્યારે રાજ્યના ગૃહ વિભાગ દ્વારા લોકસભા ચૂંટણી પહેલા બિન હથિયારી 43 પીએસઆઈ તેમજ 551 બિન હથિયારી પીએસઆઈ તેમજ 232 બિન હથિયારી પીઆઈની બદલી કરવામાં આવી છે. ત્યારે હવે આગામી ટૂંક સમયમાં IPS કક્ષાના અધિકારીઓની પણ બદલી થવાની શક્યતાઓ છે.
