દેવદરબાર જાગીર મઠના મહંત બે મહિના મૌન અનુષ્ઠાન કરશે

કાંકરેજ દિયોદર જાગીરદાર સમાજની ગુરૂ ગાદી એવા પ્રાચીન દેવદરબાર જાગીર મઠના ૧૦૦૮ મહંતશ્રી બળદેવનાથજી ગુરૂ વસંતનાથજી મહારાજે જાહેર કર્યું છે કે આવતીકાલે અષાઢીબીજના શુભ દિવસે ઓગડ થળી ખાતે ગાયના દૂધ સિવાય બીજી કોઈ વસ્તુનું સેવન કર્યા વગર મૌન વ્રત ધારણ કરી અષાઢી બીજથી શ્રાવણ વદ અમાવાસ્યા (દીવાસા) સુધી એટલે કે બે મહિના આ રીતે મૌન અનુષ્ઠાન કરશે એટલે આ બે મહિના મહંત કોઈ સ્થળે આમંત્રણ સ્વીકાર કરી જશે નહી,ભાવિક ભક્તોએ આ સમય દરમ્યાન આમંત્રણ માટે કે બીજી રીતે ફોન કરવો નહિ. ચોમાસુ ચાતુર્માસના બે મહિનાના મૌન અનુષ્ઠાન પર જતાં પહેલાં મહંતશ્રી ભાવિક ભક્તોને આશીર્વાદ આપ્યા છે.