વડોદરા જિલ્લાના વાઘોડીયાના લીલોર ગામે એક વિચિત્ર કિસ્સો સામે આવ્યો છે. વિગતો મુજબ લીલોર ગામે દીકરીએ પ્રેમ લગ્ન કરતાં પિતાએ બેસણું રાખ્યું હતું. આ તરફ જીવતે જીવ દીકરીનું બેસણું રાખતા લોકો આશ્ચર્યમાં મુકાઇ ગયા હતા. જે બાદમાં સામે આવ્યું કે, પિતાને પ્રેમ લંગ્ર મંજૂર ન હોવાથી લીધો તેમણે આવો નિર્ણય કર્યો હતો. દીકરીના પિતાએ સમાજના લોકો બોલાવી દીકરી પ્રત્યે નારાજગી બતાવી હતી.
લીલોર ગામે એક એક દીકરીએ ગામના યુવક સાથે કોર્ટમેરેજ કરી લેતા પરિજનો નારાજ બન્યા હતા. આટલા વર્ષો સુધી પરિવારે ભણાવી-ગણાવી દીકરીને મોટી કર્યા બાદ દીકરીએ કોર્ટમેરેજ કરી લેતા પિતાએ દીકરી સાથેના તમામ સંબંધનો અંત લાવ્યો હતો. આ સાથે પિતાએ સમાજ ના લોકો ને બોલાવી બેસણું કર્યું અને દીકરી પ્રત્યે નારાજગી વ્યક્ત કરી હતી.
