આણંદ જિલ્લામાં પેટલાદ નજીક એસટી બસ અને ટ્રેક્ટર વચ્ચે અકસ્માત સર્જાયો હતો. એસટી બસ સાથે ટકરાતા ટ્રેક્ટર પલટી મારી ગયુ હતુ. અકસ્માતમાં ટ્રેક્ટરચાલક અને બસના મુસાફર સહિત 5 થી વધુ લોકો ઈજાગ્રસ્ત થયા છે. વહેલી સવારે અકસ્માત થતા સ્થાનિકો દોડી આવ્યા હતા. તથા તાત્કાલિક ઇજાગ્રસ્તોને સારવાર માટે હોસ્પિટલ ખાતે ખસેડાયા હતા. તેમજ ટ્રેક્ટર ચાલક સહીત મુસાફરોને ગંભીર ઇજા થઇ છે.
આણંદ જિલ્લાના પેટલાદમાં જોગણ ગામ નજીકથી એક એસટી બસ પસાર થઇ રહી હતી. અચાનક એક લાકડા ભરીને આવતા ટ્રેકટર સાથે બસની ટક્કર થઇ હતી. જે પછી ટ્રેકટર પલટી ગયુ હતુ અને રોડની બાજુમાં આવેલા ખાડામાં ખાબકી ગયુ હતુ.
બસ અને ટ્રેક્ટરની વચ્ચે સર્જાયેલા અકસ્માતમાં બસનો આગળના ભાગનો કચ્ચરઘાણ નીકળી ગયો છે. જ્યારે ટ્રેક્ટર ચાલક સહિત બસના મુસાફરો ઈજાગ્રસ્ત થયા છે. ઈજાગ્રસ્તોને 108 મારફતે પેટલાદ સિવિલમાં સારવાર અર્થે ખસેડાયા છે. તો પોલીસે આ મામલે તપાસ શરૂ કરી છે.
