આજરોજ બનાસ ડેરી, બનાસ મેડિકલ કોલેજ તથા શ્રી સત્ય સાંઇ હાર્ટ હોસ્પિટલના સંયુક્ત ઉપક્રમે બનાસ મેડિકલ કોલેજ મોરિયા ખાતે વિધાનસભા અધ્યક્ષ શંકરભાઇ ચૌધરીના અધ્યક્ષસ્થાને હૃદય રોગ ફ્રી નિદાન મેગા કેમ્પ યોજાયો હતો. જેમાં હ્રદયને લગતા નિદાન તેમજ સારવાર જેવી કે, જનરલ ચેકઅપ, કાર્ડિયાક, ઇ.સી.જી., કાઉન્સેલીંગ અને જરૂરીયાતવાળા દર્દીઓ માટે હાર્ટના ઓપરેશન સહિતની વ્યવસ્થા કરવામાં આવી છે.
પધારેલા સૌને ચેરમેન પી. જે. ચૌધરી એ આવકારેલ.
આ પ્રસંગે શ્રી સત્ય સાંઇ હાર્ટ હોસ્પિટલના એમ. ડી. શ્રી મનોજભાઈ ભીમાણી એ જણાવ્યું કે બનાસકાંઠાનો કોઈપણ વ્યક્તિ હૃદય રોગથી પીડાય નહીં તે માટે આ કેમ્પનું આયોજન કરવામાં આવ્યું છે.
આ પ્રસંગે ધારાસભ્યશ્રી ઓ,કલેકટરશ્રી વરુણકુમાર બરનવાલ, પોલીસ અધિક્ષકશ્રી અક્ષયરાજ મકવાણા સહિત બનાસ ડેરીના બોર્ડ ઓફ ડિરેક્ટરશ્રીઓ, અગ્રણીઓ, પશુપાલકો અને વિશાળ સંખ્યામાં લાભાર્થીઓ ઉપસ્થિત રહ્યા હતા
