ગુજરાતના મુખ્યમંત્રી ભુપેન્દ્ર પટેલે ગાંધીનગર ખાતે ગરબા મહોત્સવમાં આપી હાજરી, કરી હતી માં આદ્ય શક્તિની આરતી

અત્યારે ચારેય બાજુ નવરાત્રીનો માહોલ જામી ગયો છે અને ભક્તો આ નવ દિવસ ગરબા રમી માતાના ભક્તિ રસમાં ડૂબેલા રહેશે ત્યારે ગાંધીનગર ખાતે આઈ એ એસ વાઈવઝ વેલ્ફેર એસોસિએશન દ્વારા નવરાત્રી ગરબા મહોત્સવનું આયોજન કરાયું હતું

આ આયોજનમાં ગુજરાતના મુખ્યમંત્રી ભુપેન્દ્ર પટેલ ઉપસ્થિત રહ્યા હતા જેમાં આઈ એ એસ વાઈવઝ વેલ્ફેર એસોસિએશનના પ્રમુખ શ્રીમતી શર્મિલ રાજકુમારે મુખ્યમંત્રીનું સ્વાગત અભિવાદન કર્યું હતું. આ અવસરે મુખ્યમંત્રીએ ભક્તિ ભાવ પૂર્વક માં આદ્ય શક્તિની આરતી કરી હતી તેમજ ગરબા નિહાળ્યા હતા.

આ આયોજનમાં મુખ્યસચિવ રાજકુમાર અને વરિષ્ઠ સચિવશ્રીઓ તેમજ પોલીસ મહાનિદેશક વિકાસ સહાય ,હેડ ઓફ ધ ફોરેસ્ટ ફોર્સ અને અગ્ર મુખ્ય વન સંરક્ષક ચતુર્વેદી સહિત આઈ એ એસ ઓફિસર એસોસિએશનના સભ્ય આઈ એ એસ અધિકારીઓ અને તેમના પરિવાર જનો આ ગરબા મહોત્સવ માં સહભાગી થયા હતા.