જી.સી.આર.ટી. પ્રેરિત અને જિલ્લા શિક્ષણ અને તાલીમ ભવન બનાસકાંઠા પાલનપુર આયોજિત જિલ્લા કક્ષાનું 9 મો એજ્યુકેશન ફેસ્ટિવલ ડાયટ પાલનપુર મુકામે યોજવામાં આવ્યો . જેમાં ઉદ્ઘાટક પ્રસંગમાં જિલ્લા કલેક્ટર શ્રી વરૂણકુમાર બરનવાલ , જિલ્લા પ્રાથમિક શિક્ષણાધિકારી શ્રી પી.એમ. બારડ તેમજ અન્ય મહાનુભાવો જોડાયા હતા . 14 તાલુકામાંથી 50 જેટલા ઈનોવેટિવ શિક્ષકોએ ભાગ લીધો હતો .
આ સમગ્ર ઈનોવેશન ફેસ્ટિવલનું સંચાલન ડી.આઈ.સી. વર્ષાબેન પ્રજાપતિએ કર્યું હતું . આ પ્રસંગે સરકારી માધ્યમિક શાળા,બૈયક તા.વાવ શાળાના શિક્ષણ સહાયક સુરેશકુમાર બાબુલાલ પુરોહિત એ પોતાનું ઇનોવેશન રજુ કર્યું . જેમાં માધ્યમિક વિભાગમાં જિલ્લા માં પ્રથમ નંબર પ્રાપ્ત કરેલ અને ઝોન કક્ષાએ બનાસકાંઠા નું પ્રતિનિધિત્વ કરશે. તેમને શિલ્ડ અને પ્રમાણપત્ર આપી સન્માનિત કરવામાં આવ્યા હતા.
