રાજ્યમાં સરદાર સરોવર નર્મદા સહિત 207 ડેમની જળ સંગ્રહ ક્ષમતા 25254.03 મિલિયન ક્યુબિક મીટર (MCM) છે, તેની સરખામણીમાં રવિવાર સુધીમાં આ ડેમોમાં 21472.45 MCM પાણીનો સંગ્રહ થયો છે, જે 85 ટકાથી વધુ છે.
ગુજરાતમાં આ વર્ષે સિઝનના અત્યાર સુધીના 122 ટકા વરસાદને કારણે ડેમોના જળસંગ્રહમાં પણ સતત વધારો થઈ રહ્યો છે. રાજ્યના 207 મોટા ડેમોમાંથી 56 ટકા એટલે કે 117 ડેમ સંપૂર્ણ ભરાઈ ગયા છે. તેમાં 100 ટકાથી વધુ ક્ષમતાનું પાણી એકઠું થયું છે. સૌરાષ્ટ્રમાં સૌથી વધુ 82 ડેમ ભરાઈ ગયા છે.
રાજ્યમાં સરદાર સરોવર નર્મદા સહિત 207 ડેમની જળ સંગ્રહ ક્ષમતા 25254.03 મિલિયન ક્યુબિક મીટર (MCM) છે, તેની સરખામણીમાં રવિવાર સુધીમાં આ ડેમોમાં 21472.45 MCM પાણીનો સંગ્રહ થયો છે, જે 85 ટકાથી વધુ છે. હાલમાં પ્રદેશના આધારે જોવામાં આવે તો મધ્ય ગુજરાતના 17માંથી 9 ડેમ ભરાઈ ગયા છે. અહીંના તમામ ડેમોમાં સરેરાશ 95.84 ટકા પાણીનો સંગ્રહ થયો છે. કચ્છ પ્રદેશના 20 ડેમમાંથી 15 પર ચાદર ઓઢાડી દેવામાં આવી છે, આ વિસ્તારમાં 87.82 ટકા પાણીનો સંગ્રહ થયો છે. સૌથી વધુ 141 ડેમ ધરાવતા સૌરાષ્ટ્ર વિસ્તારમાં હાલમાં 82 ડેમ છે જે 100 ટકા ભરાયા છે. સૌરાષ્ટ્રના તમામ ડેમોની પાણી સંગ્રહ ક્ષમતા 2588.52 MCM છે, જેની સામે 2232.66 MCM (86.25 ટકા) પાણીનો સંગ્રહ થયો છે. દક્ષિણ ગુજરાત વિસ્તારમાં પણ જળ સંગ્રહની સ્થિતિ સારી છે. અહીંના 13 ડેમમાંથી નવને ચાદરથી ઢાંકવામાં આવ્યા છે. આ વિસ્તારમાં રવિવાર સુધીમાં કુલ 8603.70 MCMની ક્ષમતા સામે 7257.16 MCM પાણી એકત્ર થયું છે. જ્યારે ઉત્તર ગુજરાત વિસ્તારના ડેમોમાં સૌથી ઓછો 59.87 ટકા પાણીનો સંગ્રહ થયો છે. આ પ્રદેશના કુલ 15 ડેમમાંથી માત્ર બે જ સંપૂર્ણ ભરાયા છે.
નર્મદા ડેમમાં 88 ટકા પાણીનો સંગ્રહ
સરદાર સરોવર નર્મદા ડેમમાં 9460 MCMની સંગ્રહ ક્ષમતા સામે 8292.40 MCM પાણી એકત્ર થયું છે જે 87.66 ટકા છે. ડેમની ઉંચાઈ 138.68 મીટર છે અને હાલમાં ડેમની જળસપાટી 134.94 મીટર છે.
રાજ્યના 141 ડેમ હાઈ એલર્ટ પર
રાજ્યના 207 ડેમમાંથી 141 ડેમમાં 90 ટકાથી વધુ પાણીનો સંગ્રહ હોવાથી હાઈ એલર્ટ પર મૂકવામાં આવ્યા છે. 13 ડેમમાં 80 થી 90 ટકા અને સાત ડેમમાં 70 થી 80 ટકા પાણીનો સંગ્રહ છે અને અનુક્રમે એલર્ટ અને વોર્નિંગ મોડ પર મૂકવામાં આવ્યા છે. 45 ડેમમાં 70 ટકા કરતા ઓછો પાણીનો સંગ્રહ છે.
આ પણ વાંચો – દિયોદરમાં ગણેશ ચતુર્થીની ભવ્ય ઉજવણી
