બનાસકાંઠા જિલ્લામાં ફરીથી એકવાર ગમખ્વાર અકસ્માત ની ઘટના સામે આવી છે. બનાસકાંઠા જિલ્લાના અતિવ્યસ્ત ગણાતા ડીસા – થરાદ હાઇવે પર ટ્રક અને કાર વચ્ચે ગમખ્વાર અકસ્માત સર્જાયો છે. આ ઘટના એટલી ભયાનક છે કે સૌના હૈયા કમકમી ઉઠ્યા છે. થરાદ ના પડાઘર નજીક ડીસા થરાદ હાઇવે પર કારમાં સવાર વાવના ડાભલીયા વાસ ના આ પરિવાર સાથે બની છે આ ભયંકર ઘટના.
ઉંઝા થી પરત વાવ આવી રહેલ ડાભલીયા વાસ ના આ પરિવાર પર કાળ નો કોરડો વીંઝાયો છે. કાર અને ટ્રક વચ્ચેના ગમખ્વાર અકસ્માત માં કારમાં સવાર પરિવારના 4 સભ્યો નું ઘટના સ્થળે જ કમકમાટીભર્યુ મોત નિપજયું. આ ભયાનક અકસ્માત જોઇ ઘટનાસ્થળે લોકોના ટોળા ઉમટી પડ્યા. બનાસકાંઠા પોલીસ ઘટનાસ્થળે પહોંચી વિગતવાર તપાસ હાથ ધરી છે. પોલીસ દ્વારા આ ઘટનાના ઘાયલો અને મૃતકોને થરાદ સીવીલ હોસ્પિટલમાં ખસેડવામાં આવ્યા. આ ઘટના ના સમાચાર મળતાં અનેક લોકો ઘટના સ્થળે તેમજ હોસ્પિટલમાં પહોંચ્યા.
