Deodar News : દિયોદર મધ્યે આવેલ બાણ માતાના મંદિરે પૂ.બ્રહ્મલીન મહંતશ્રી જગજીવનબાપૂની મૂર્તિ પ્રતિષ્ઠા મહોત્સવ અને બાણ દેવલનો ૧૭ મો પાટોત્સવ તા.રર/પ/ર૦ર૪ ના રોજ યોજાયો હતો.
દિયોદર માં શોભાયાત્રા
જેમાં સવારે ૯-૦૦કલાકે યજ્ઞ પ્રારંભ થયેલ. સાંજે ૪-૦૦ કલાકે ભવ્ય શોભાયાત્રા નિકળેલ જે દિયોદરના રાજમાર્ગો પર ફરી બાણા માતાના મંદિરે પરત ફરેલ. આ શોભા યાત્રા માં મોટી સંખ્યા માં ધર્મપ્રેમી જનતા જોડાયેલ. તેમજ રાત્રે ભવ્ય સંતવાણી ડાયરો યોજાશે.
સંતો મહંતો નો સન્માન સમારોહ તથા મૂર્તિ પ્રતિષ્ઠા
તા.ર૩ ના રોજ સવારે ૯-૦૦ કલાકે સંતો મહંતો નો સન્માન સમારોહ યોજાશે. બપોરે મૂર્તિ પ્રતિષ્ઠા તથા સાંજે ૪ કલાકે યજ્ઞ પૂર્ણાહુતી યોજાશે.
આ પ્રસંગે સંતો મહંતો ઉપસ્થિત આર્શીવર્ચન આપશે. તો દરેક ધર્મપ્રેમી જનતા ને પધારવા બાણ દિયોદરી પરિવાર દ્વારા અનુરોધ કરાયો છે.
