બોલિવૂડની ખૂબસૂરત અદાકારા રવિના ટંડન દીકરી રાશા સાથે ગુજરાતના સોમનાથ જ્યોતિર્લિંગના દર્શન કરવા માટે પહોંચી હતી. બંને મહાદેવની ભક્તિમાં તરબોળ જોવા મળી હતી. રવિના અને રાશા બંનેએ સોશિયલ મીડિયા પર મહાદેવના દર્શન કરતી તસવીરો શેર કરી છે. રવિના ટંડન તેની પુત્રી રાશા સાથે 12 જ્યોતિર્લિંગની યાત્રા કરી રહી છે, ત્યારે તેણે પ્રથમ જ્યોતિર્લિંગ સોમનાથ મહાદેવના પણ દર્શન કર્યા છે.
અભિનેત્રી તેની પુત્રી રાશા સાથે ખાસ બોન્ડ શેર કરે છે અને ઘણીવાર તેની સાથે બંને મા-દિકરીના ફોટો શેર પણ કરે છે. રવિના અને રાશા બંને સમાચારમાં રહેતા હોય છે. રવિના રિયલ લાઈફમાં ઘણી ધાર્મિક છે.જેથી તેઓ હવે સોમનાથ દાદાના દર્શને પણ આવ્યા હતા. અભિનેત્રી રવિના ટંડન તેની પુત્રી રાશા સાથે સોમનાથ મહાદેવના દર્શને આવ્યા હતા. રવિના અને રાશાએ સોમનાથ મહાદેવના દર્શન કરીને ધન્યતા વ્યક્ત કરી હતી રવિના અને રાશાએ ઈન્સ્ટાગ્રામ એકાઉન્ટ પર શેર કરેલ તસવીરોમાં જોઈ શકાય છે કે, બંને ભક્તિમાં ડૂબેલી જોવા મળી રહી છે. મા-દીકરીએ સોમનાથ જ્યોતિર્લિંગના દર્શન કર્યા. તેમના માથા પર શિવ તિલક લાગેલું છે. બંનેના દર્શનના વીડિયો ઘણા વાયરલ થઈ રહ્યા છે.
અભિનેત્રીએ કેપ્શનમાં લખ્યું કે, ‘Somnath! ॐ त्र्यम्बकं यजामहे सुगन्धिं पुष्टिवर्धनम् | उर्वारुकमिव बन्धनान्मृत्योर्मुक्षीय माऽमृतात् || Har Har Mahadev !’ અગાઉ, અભિનેત્રીએ ઉત્તરાખંડ સ્થિત કેદારનાથ અને દક્ષિણ ભારતમાં સ્થિત રામેશ્વરમ જ્યોતિર્લિંગના દર્શન કર્યા હતા. જણાવી દઈએ કે, રવિના ટંડને 12 જ્યોતિર્લિંગના દર્શન કરવાની પ્રતિજ્ઞા લીધી છે. અભિનેત્રીના વર્કફ્રન્ટની વાત કરીએ તો, આગામી સમયમાં તે ફિલ્મ વેલકમ ટૂ ધ જંગલ અને વેબ સિરીઝ કર્મા કોલિંગમાં જોવા મળશે.
