- ભરૂચમાં ઉજવાશે શુકલતીર્થ ઉત્સવ
સરકારશ્રીના યુવક સેવા અને સાંસ્કૃતિક પ્રવૃત્તિ અન્વયે સુપ્રસિધ્ધ પવિત્ર યાત્રાધામ ભરૂચ ખાતે સંભવિત આગામી ૯ અને ૧૦ ડીસેમ્બર ૨૦૨૩ એ એમ બે દિવસીય ઉત્સવના આયોજન કરવા માટેની યોજના અંર્તગત ભરૂચમાં શુકલતીર્થ ઉત્સવની ઉજવણી થનાર છે.
ભરૂચ જિલ્લામાં શુકલતીર્થ ખાતે બે દિવસીય ઉત્સવનું આગોતરૂ આયોજન થનાર છે, આયોજન સંદર્ભે જિલ્લા વિકાસ અધિકારીશ્રી પ્રશાંત જોષીના અધ્યક્ષસ્થાને જિલ્લા પંચાયત સભાખંડમાં બેઠકનું આયોજનમાં કરવામાં આવ્યું હતું. જેમાં ભરૂચ જિલ્લો પ્રવાસન ક્ષેત્રે બહોળી નામના ધરાવે છે. ત્યારે આગામી સમયમાં ભરૂચ ખાતે શુકલતીર્થ ઉત્સવની ઉજવણીના ભાગરૂપે સુચારું આયોજન કરવા મિંટીંગનું આયોજન કરાયું હતું.
જ્યા જિલ્લા વિકાસ અધિકારીશ્રી પ્રશાંત જોષીએ સર્વગ્રાહી સમિક્ષા કરી શુક્લતીર્થ ઉત્સવ ભરૂચના લોકો માટે યાદગાર બની રહે તેવા પ્રયત્નો તંત્ર કરે તેવી હાંકલ કરી હતી. આ મિંટીંગમાં નિવાસી અધિક કલેકટર શ્રી એન આર ધાંધલ તથા અમલીકરણ વિભાગના અધિકારીઓ તથા કર્મચારીઓ ઉપસ્થિત રહ્યા હતા.
