Gujarat News: શ્રી સોલા રોડ જૈન સંઘ મધ્યે પરમ પૂજ્ય સંઘ સ્થવિર, દીર્ઘ સંયમી, સાગર સમુદાય ગચ્છાધિપતિ આચાર્ય ભગવંત શ્રી દોલતસાગર સૂરીશ્વરજી મહારાજ સાહેબ ના સમાધિ પૂર્વક ના કાળધર્મ નિમિત્તે તેમના ગુણો નું ગાન કરવા માટે એક ભવ્ય ગુણાનુવાદ સભા યોજાઈ.
શ્રી રાજનગર જૈન પરિક્ષા ટ્રસ્ટ ના ઉપક્રમે તારીખ ૦૮–એપ્રિલ–૨૪, સોમવાર ફાગણ વદ અમાસ ના દિવસે સવારે સાડા છ વાગે શ્રી સોલા રોડ જૈન સંઘ મધ્યે અમદાવાદ માં બિરાજમાન પૂજ્ય ગુરુ ભગવંતો ની પ્રેરક નિશ્રા આ ગુણાનુવાદ સભા યોજાઇ
અમદાવાદ માં બિરાજમાન તપગચ્છાધિપતિ અને ગચ્છાધિપતિ શ્રીઓની ઉપસ્થિતિ
પૂજ્ય તપાગચ્છાધિપતિ આચાર્ય શ્રી મનોહર કીર્તિસાગરસૂરીશ્વરજી મહારાજ સાહેબ પોતાની નાદુરસ્ત તબિયત ના કારણે આવી શકયા ન હતા પરંતુ તેમનો સંદેશ વાંચી સંભળાવવામાં આવ્યો હતો આ પ્રસંગે પૂજ્ય ગચ્છાધિપતિ આચાર્ય શ્રી રાજયશસુરીશ્વરજી મહારાજ સાહેબ, પૂજ્ય આચાર્ય શ્રી ઉદયકીર્તિસાગરસુરિજી મહારાજ સાહેબ, પૂજ્ય આચાર્ય શ્રી અજયસાગરસુરિજી મહારાજ સાહેબ, પૂજ્ય આચાર્ય શ્રી કલ્પરક્ષિતસૂરિજી મહારાજ સાહેબ, પૂજ્ય આચાર્ય શ્રી વિતરાગયશસૂરિજી મહારાજ સાહેબ, પૂજ્ય આચાર્ય શ્રી જિતરક્ષિતસૂરિજી મહારાજ સાહેબ, પૂજ્ય પન્યાસ શ્રી જીનાંગયશવિજયજી મહારાજ સાહેબ દ્વારા પૂજ્ય સંઘ સ્થવિરજી ના ગુણાનુવાદ કરવામાં આવ્યા હતા.
તપાગચ્છપ્રવર સમિતિ ના પૂજયો ના શ્રદ્ધાંજલિ પત્રો
પૂજ્ય ગચ્છાધિપતિ આચાર્ય શ્રી અભયદેવસૂરીશ્વરજી મહારાજ સાહેબ, પૂજ્ય આચાર્ય શ્રી નંદીઘોષસુરિજી મહારાજ સાહેબ, પૂજ્ય આચાર્ય શ્રી હર્ષસેનસૂરિજી મહારાજ સાહેબ, પૂજ્ય ગચ્છાધિપતિ આચાર્ય શ્રી નરદેવસાગર સૂરિજી મહારાજ સાહેબ, પૂજ્ય આચાર્ય શ્રી પદ્મસાગરસૂરિજી મહારાજ સાહેબ, પૂજ્ય ઉપાધ્યાય શ્રી વિમલસેનવિજયજી મહારાજ સાહેબ ના શ્રદ્ધાંજલિ પત્ર વાંચવામાં આવ્યા હતા. આ પ્રસંગે પૂજય સાધ્વીજી શ્રી વાચંયમાશ્રીજી ( બેન મ.સા.) તથા વિવિધ સમુદાય ના ઘણા બધા સાધ્વીજી ભગવંતો ઉપસ્થિત રહ્યા હતા
600 ઉપરાંત જૈન શ્રેષ્ઠીઓ ઉપસ્થિત રહેલ
શેઠ આણંદજી કલ્યાણજી પેઢી ના ટ્રસ્ટી શ્રીપાલ ભાઈ તથા કલ્પેશભાઈ વી. શાહ , શેઠ જીવણદાસ ગોડીદાસ પેઢી તરફથી શેઠ શ્રીયકભાઈ તથા દેવલભાઈ આદિ એ પ્રાસંગિક ઉદ્દબોધન કર્યું હતું. બીજા અનેક સંઘો ના પ્રતિનિધિ શ્રી ઓ અને નારણપુરા ના ધારાસભ્ય જીતુભાઈ ભગત સાથે જૈન સંઘ ના ઘણા બધા મહાનુભાવો સહિત અંદાજિત 600 ઉપરાંત ભાઈ બહેનો ની હાજરી માં ખૂબ સુંદર રીતે પૂજ્ય શ્રી ને શ્રધ્ધાંજલી અર્પણ કરવામાં આવી. સમગ્ર પ્રસંગ નો લાભ શ્રીમતી ઇન્દિરાબેન લહેરચંદભાઈ શાહ ( શંખલપુર વાળા ) હ.સુહાસભાઈ પરિવારે લીધો હતો. પ્રસંગ બાદ ૪૦ રૂપિયા ની પ્રભાવના તથા પધારેલ સર્વ ની નવકારશી યોજાઇ.
