Shantishram News, Diyodar, Gujarat.
- તપાગચ્છ પ્રવરસમિતિના કાર્યવાહક પૂજ્ય ગચ્છાધિપતિ આચાર્ય શ્રીમદ વિજય અભયદેવ સૂરીશ્વરજી મહારાજ સાહેબને પૂના મધ્યે તા.ર૩/૩/ર૦રર ના રોજ બાયપાસ સર્જરી થયેલ. ત્યાર બાદ આજ રોજ પુજ્ય શ્રીને આઇ.સી,યુ માંથી બહાર લાવ્યા છે. તા. ૨ એપ્રિલ ના રોજ ચૈત્ર મહિનાનું માંગલિક પૂજ્યશ્રીના શિષ્યરત્ન પૂજ્ય આચાર્યશ્રી મોક્ષરત્નસૂરીજી મહારાજ સાહેબ ફરમાવશે.
- ભક્તિસૂરી સમુદાયના તપસ્વીરત્ન નૂતન ગચ્છાધિપતિ આચાર્યશ્રી શાંતિચંદ્ર સૂરીશ્વરજી મહારાજા આદિ ઠાણાનું રાજનગર અમદાવાદ મધ્યે તા.૩૦ ના રોજ શ્રી શંખેશ્વર પાર્શ્વનાથ મહિમા જૈનસંઘ (સુવિધિ) ના આંગણે ભવ્ય સામૈયા સહ પ્રવેશ થયેલ. શ્રી દશાશ્રીમાળી બેતાલીસી કાંકરેજી મંડળ દ્વારા નવકારશી યોજાયેલ. પૂજ્ય શ્રી ને ગચ્છાધિપતી પદ અર્પણ જેઠ વદ-૫ના રોજ અમદાવાદ મધ્યે પૂજ્ય તપાગચ્છાધિપતી આ. શ્રી મનોહરકિર્તીસાગર સૂરીશ્વરજી મ.સા. ના હસ્તે કરાશે.
- થરા મધ્યે દીક્ષા મહોત્સવમાં તા.૩૦ ના રોજ શુભ મહુર્તે પૂજ્યશ્રીએ બંન્ને મુમુક્ષુઓને ઓધો અર્પણ કરતાં બંન્ને ઝુમી ઉઠેલ. બાદમાં નુતનવેશ ધારણ કરી મુમુક્ષુઓ પધારતાં સૌએ વધાવેલ. નૂતન દિક્ષિત ફોરમ કુમારીનું નામ પૂજ્ય સાધ્વીજી દિવ્યધ્યાનીશ્રીજી મહારાજ સાહેબ તથા નૂતન દિક્ષિત જીમીકુમારીનું નામ પૂજ્ય સાધ્વીજી દિવ્યજ્ઞાનીશ્રીજી મહારાજ સાહેબ ઘોષીત થયેલ.
- યુવાહ્રદય સમ્રાટ પરમ પુજ્ય આચાર્ય શ્રીમદ વિજય હેમરત્ન સુરીશ્વરજી મહારાજ સાહેબ પ્રેરીત અને સ્થાપિત ૪૦ હજારથી વધુ યુવાનોનું સંગઠન અને ૪૦૦ થી વધુ શાખા ધરાવતા જૈન એલર્ટ ગ્રુપ ઓફ ઇન્ડિયાના સેનાધિપતિ પદ પર શ્રી નિલેશભાઈ ધર્ણેન્દ્રભાઈ શાહ નો પદગ્રહણ અને અભિવાદન કાર્યક્રમ યોજાયો. આ પ્રસંગે કલ્પેશ શાહ આદિ એલર્ટ મહાનુભાવોની ઉપસ્થિતિમાં શપથવિધિ દ્વારા પદ ગ્રહણ કરવામાં આવ્યું
- શ્રી પૂજ્ય નિતીસૂરી સમુદાયના ગચ્છાધિપતિ આચાર્યશ્રી હેમપ્રભસૂરીશ્વરજી મહારાજ સાહેબના આજ્ઞાનુવર્તી શતાયુવર્ષિય (૧૦૦ વર્ષના ) પૂજ્ય આચાર્ય ભગવંત શ્રી રાજતિલક સૂરીશ્વરજી મહારાજ સાહેબ નું તા.૩૦ માર્ચ ના રોજ થરા પાવાપુરી સોસાયટી મધ્યે ૭૦૧મા અઠ્ઠમતપનું પારણું યોજાયેલ. પૂજ્યશ્રીએ પ૧ અઠ્ઠાઈ, ૯૧ ઓળી, ૧૭ વરસીતપ અને ૪૦૦ જેટલા છઠ્ઠ તપની મહાતપશ્ચર્યા કરી છે.
- કાંકરેજના રાનેર ખાતે આગમ વિશારદ પરમ પૂજ્ય આચાર્ય ભગવંત શ્રીમદ વિજય તપોરત્નસૂરીશ્વરજી મહારાજ સાહેબ તથા મૂનિશ્રી જ્ઞાનરક્ષિત વિજયજી મહારાજ સાહેબ પધાર્યા હતા. ગ્રામજનોએ હર્ષોલ્લાસ થી સ્વાગત કર્યું હતું.રાજ્યકક્ષાના શિક્ષણમંત્રી કિર્તિસિંહ વાઘેલા, જીલ્લા ભાજપ પ્રભારી સુરેશભાઈ શાહ હાજર રહ્યા હતા.
- શ્રી મહાવીર જૈન વિદ્યાલય, અમદાવાદ ના “શેઠ શ્રી યુ એન મહેતા શ્રી વાસુપૂજ્ય સ્વામી મંદિર ” પ્રતિષ્ઠા ની દ્વિતિય માસિક તિથિ નિમિત્તે સંધ્યા ભક્તિ નું આયોજન થયેલ. જેમાં સંગીતકાર શ્રી અલ્પેશ ભાઈ (તપોવની) દ્વારા ભકિત ભાવના કરાવાયેલ.
આવા નવા નવા અપડેટ્સ માટે જોડાઈ રહો શાંતિશ્રમ જોડે
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો શાંતિશ્રમની વેબસાઈટ પર
સંપર્ક: કૃણાલ શેઠ, મો. 9427535268
