Shantishram News, Diyodar, Gujarat.
- જૈન શાસનની અદ્રિતીય ધરોહર એવા પરમપૂજ્ય ભક્તિ યોગાચાર્ય શ્રીમદ્ વિજય યશોવિજય સૂરીશ્વરજી મહારાજા તથા પદમભુષણ રાજપ્રતીબોધક પરમ પૂજય આચાર્ય શ્રીમદ્ વિજય રત્નસુંદર સૂરીશ્વરજી મહારાજા આદિ ઠાણા સાધુ ભગવંતો આજ રોજ વિહારયાત્રા દરમ્યાન સુમેરૂ તીર્થ મધ્યે મિલન થયું. બંન્ને ગુરૂભગવંતો શિષ્યો સહ જિનાલયમાં સામૂહિક દર્શન કરી પ્રભુભક્તિ કરેલ.અને શાસન સમુદાયના વિષયો પર ચર્ચા વિચારણા કરેલ.
- આજ રોજ ફાગણવદ-આઠમ ના રોજ પ્રથમ તિર્થકર શ્રી આદિનાથ ભગવાનનું જન્મ કલ્યાણક છે. સંસ્કૃતિ અને સભ્ય સમાજનો પાયો નાખનાર શ્રી આદિનાથ ભગવાનની પાવન સમૃતિમાં વિશ્વભરમાં આજ રોજ હજારો આરાધકોએ વર્ષિતપનો આરંભ કર્યો. વર્ષીતપમાં એક ઉપવાસ એક બિયાસણું આ રીતે એક વર્ષ અને ચાલીસ દિવસ સુધી આરાધના કરવામાં આવે છે. જેનું પારણું અખાત્રીજના દિવસે થાય છે.
- સોલા રોડ જૈન સંઘ, અમદાવાદ મધ્યે પરમ પૂજ્ય ગચ્છાધિપતિ આચાર્ય શ્રીમદ વિજય રાજ્યયશસૂરીશ્વરજી મહારાજા તથા પરમ પૂજ્ય આચાર્ય શ્રીમદ વિજય વિતરાગયશ સૂરીશ્વરજી મહારાજ સાહેબ આદિ ઠાણાની પાવન નિશ્રામાં પ્રથમ તિર્થકર શ્રી આદિનાથ દાદાના જન્મ કલ્યાણકની ઉત્સવભેર ઉજવણી કરવામાં આવી
- અંતરીક્ષજી તીર્થ મધ્યે ઉપધાનપ માળારોપણ યોજાયું. પરમ પૂજ્ય આચાર્ય શ્રી હંસકીર્તિ સૂરીજી મહારાજ સાહેબ તથા પરમ પૂજ્ય આચાર્યશ્રી ભવ્યકિર્તિ સૂરીજી મહારાજ સાહેબ આદિ ૧પ થી વધુ સાધુ ભગવંતોના સાનિધ્યમાં ઉપધાનતપ મોક્ષ માળારોપણ યોજાયું.
- દાંતીવાડા વેટરનરી હોસ્પીટલ ખાતે પરમ પૂજ્ય આચાર્યશ્રી સોમસુંદર સૂરીશ્વરજી મહારાજાના શિષ્યરત્ન પરમ પૂજ્ય આચાર્ય શ્રી પૂણ્યસુંદર સૂરીજી મહારાજ સાહેબ આદિઠાણા પધાર્યા અને પશુ સારવારમાં અપાતી સુવિદ્યાઓને નિહાળી
- અમદાવાદ મધ્યે શ્રી દાદા સાહેબનાં પગલાં ચારરસ્તા પર લાયન્સ કલબ ઈન્ટરનેશનલ ડીસ્ટ્રીક ૩ર૩ર B2 દ્વારા લાયન્સ કલબ ઓફ કર્ણાવતીના સ્પોન્સર થી ટ્રાફીક પોલીસ બુથ ઉભુ કરવામાં આવેલ જેનું લોકાર્પણ કરવામાં આવેલ. આ પ્રસંગે મહેસાણાના સાંસદ શારદાબેન પટેલ તેમજ લાયન્સ કલબના ભુતપુર્વ ઈન્ટરનેશનલ ડીરેક્ટર પ્રવિણ છાજડ, અમદાવાદના પોલીસ કમિશ્નર, મેયર શ્રી , મ્યુનિસીપલ કમિશ્નર શ્રી, જોઈન્ટ પોલિસ કમિશ્નર આદિ ઉપસ્થિત રહેલા આ પ્રસંગે લાયન્સ ડીસ્ટ્રીક ગવર્નર અનીલ અગ્રવાલ, કમલેશભાઈ શાહ (વાઈસ ગર્વનર) આદિ સદસ્ય પરિવારો ઉપસ્થિત રહેલ.
આવા નવા નવા અપડેટ્સ માટે જોડાઈ રહો શાંતિશ્રમ જોડે
[yotuwp type=”videos” id=”nIML95ojXE0″ ]
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો શાંતિશ્રમની વેબસાઈટ પર
સંપર્ક: કૃણાલ શેઠ, મો. 9427535268
