Shantishram News, Diyodar, Gujarat.
- ઝીલવાડા મેવાડ મધ્યે પૂજ્ય ગુરૂદેવશ્રી યશોવર્મ સૂરીશ્વરજી મહારાજા આદિઠાણાનો બાદશાહી પ્રવેશ યોજાયો હતો. આ પ્રસંગે ઝીલવાડ સંઘના અધ્યક્ષ શાંતિલાલજી મેહતા, નંદલાલજી મેહતા આદિ અનેક ગુરૂભક્તો અમદાવાદ, સુરત, મુંબઈ, વાપી, મદ્રાસ થી પધાર્યા હતા.
- ભારત વિકાસ પરિષદ જોધપુર અમદાવાદ શાખા દ્વારા પરિવાર સાથે હોળી મિલન યોજાયું. જેમાં સર્વ સભ્યોએ ઉત્સાહપૂર્વક ભાગ લીધો અને ફુલો દ્વારા હોળી રમાડવામાં આવી.
- ગુરૂપ્રેમ શતાબ્દી મહોત્સવ વર્ષ નિમિત્તે પ્રેમ પરિવાર અમદાવાદ દ્વારા સંચાલીત ભોજનરથમાં તા.૧૩ માર્ચના રોજ સારંગ ડેવલોપર્સ પરિવારના દિનેશભાઈ પરસોત્તદાસ પટેલ ખોરજવાળા દ્વારા સંપૂર્ણ લાભ લેવામાં આવ્યો.
- બોટાદ નગરે શ્રી ઈન્દ્રમાણા અમીઝરા વાસુપૂજ્ય જીવરક્ષા અભિયાન આયોજીત ગામેગામ પંખીઘર મીશન અંતર્ગત પંખીઘરનો ભવ્ય ઉદઘાટન સમારોહ યોજાયો. આ આદિ જિન યુવક ચેરીટેબલ ટ્રસ્ટ, મુંબઈના યુવાનો તથા દાતા પરિવાર મુંબઈ થી મોટી સંખ્યામાં પધાર્યા અને જીવદયાનો લાભ લીધો
- જિનાજ્ઞા યુવા ગ્રુપ દ્વારા ખાનપુર જિનાલય અમદાવાદ મધ્યે તારીખ ૧૪ માર્ચના રોજ પુષ્ય નક્ષત્રમાં પરમાત્માનો શક્રસ્તવ અભિષેક યોજાયો. પૂજ્ય સાધ્વીજી મૈત્રીરત્ના શ્રીજી મહારાજ સાહેબ પ્રેરીત જિનાજ્ઞા યુવા ગ્રુપ દ્વારા સતત ૫ વર્ષથી દર મહિને પુષ્ય નક્ષત્રમાં પરમાત્માના અભિષેક યોજાય છે.
- થરા-ભક્તિનગર થી તારંગા તીર્થનો યાત્રા પ્રવાસ શ્રાવક સામાયીક મંડળનો યોજાઈ ગયો. આ યાત્રા પ્રવાસનો લાભ રવિયાણા નિવાસી કોકીલાબેન શાન્તીલાલ કુરિયા(એકતા) પરિવારે લીધેલ. જેમનું બહુમાન કરવામાં આવેલ.
- દિઓદર તાલુકા કોંગ્રેસના નવા વરાયેલા પ્રમુખ નરસિંહભાઈ દેસાઈ દ્વારા દીઓદર તાલુકા કોંગ્રેસ પરિવારનો તાલુકા પંચાયત સીટ દીઠ વર્કીંગ બેઠકો તા.૧ર/૩/ર૦રર ના રોજ ધારાસભ્યશ્રી શીવાભાઈ ભુરીયા તથા જીલ્લા પંચાયત સદસ્યો, તાલુકા પંચાયતના સદસ્યો, આદિ આગેવાનોની હાજરીમાં યોજાયેલ
દીઓદર તાલુકાની સુરાણા ગ્રામ પંચાયત સીટ, વખા, લુદરા, ભેસાણા, જાડા, કોટડા દીઓદર, તેમજ દીઓદર તાલુકા પંચાયત સીટ-૧ અને ર ની બેઠક યોજયેલ. આ બેઠકમાં જીલ્લા કોંગ્રેસ પ્રમુખ બી.કે.જોષી, દીઓદર જીલ્લા પંચાયત સદસ્ય કરમશીભાઈ દેસાઈ, બળવંતજી ઠાકોર, પૂર્વ પ્રમુખ જોરાભાઈ દેસાઈ, સેવંતીભાઈ ઠક્કર, બાબરાભાઈ ગુડેલ, અમીભાઈ દેસાઈ, પ્રફુલભાઈ ઠક્કર, સરપંચ પ્રહલાદભાઈ માળી, ભૂપતભાઈ સોની, નારણભાઈ, પરાગભાઈ, નરેશભાઈ, ચિરાગભાઈ ત્રિવેદી સહિતના કોંગ્રેસના કાર્યકરો આગેવાનો જોડાયેલ.
આવા નવા નવા અપડેટ્સ માટે જોડાઈ રહો શાંતિશ્રમ જોડે
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો શાંતિશ્રમની વેબસાઈટ પર
સંપર્ક: કૃણાલ શેઠ, મો. 9427535268
