વડોદરાના નાગરિકો એ રચ્યો ઇતિહાસ સૂર્ય નમસ્કાર કરી વર્લ્ડ રેકોર્ડ નોંધાવ્યો

આજરોજ વડોદરાવાસીઓએ સાંસદ ખેલ સ્પર્ધામાં જોડાઈને સૂર્યનમસ્કારના કાર્યક્રમને એક ઉંચાઈએ પહોચાડ્યું છે. ખાસ કરીને આજે આ કાર્યક્રમને વર્લ્ડ બુક ઓફ રેકોડમાં સ્થાન આપવામાં આવ્યું હતું સૂર્યનામસ્કારમાં પુરુષો કરતા મહિલાઓ નું પ્રમાણ વધુ હતું. અને આ વડોદરા માટે ખૂબ જ ગર્વ લેવા જેવી વાત છે.આના પરથી એ સાબિત થાય છે કે વડોદરાની મહિલાઓ કેટલી ફિટ અને મજબૂત છે.અને પોતાના સ્વાસ્થ્ય ને લઈને જાગૃત છે.તદુપરાંત 5 વર્ષથી લઈને 60 વર્ષના તમામ લોકોએ સૂર્યનમસ્કાર કર્યા હતા. વડોદરાવાસીઓને સાંસદ ખેલ સ્પર્ધામાં તથા સૂર્યનામસ્કારમાં જોડાવા બદલ સાંસદ રંજનબેન ભટ્ટે અભિનંદન પાઠવ્યા. વડાપ્રધાન મોદીના આહવાનથી દરેક જિલ્લાઓમાં સાંસદ ખેલ સ્પર્ધાનું આયોજન થયેલ છે. જેમાં દરેક પ્રકારની રમત રાખવામાં આવેલ છે. પરંતુ કશે પણ આ પ્રકારે યોગ અને સૂર્યનામસ્કારનું આયોજન કર્યું નથી. પરંતુ વડોદરાના સાંસદ ખેલ સ્પર્ધામાં આજરોજ પહેલી વખત ખૂબ મોટી સંખ્યામાં લોકો જોડાયા અને સૂર્યનામસ્કાર કર્યા. જેને લઈને આજે એક નવો વર્લ્ડ બુક ઓફ રેકોર્ડ પ્રસ્થાપિત થયો.કોરોના કાડ બાદ નાગરિકો સ્વાસ્થ્ય ને લઈને વધુ જાગૃત થયા હોવાનું ઉત્તમ ઉદાહરણ પૂરું પાડ્યું હતું.