Shantishram News, Diyodar, Gujarat.
અમદાવાદ નગરે સમગ્ર ભારતના શ્રેષ્ઠીઓની હાજરીમાં તા.ર૦ એપ્રિલના રોજ શ્રી લબ્ધિનિધાન શ્વેતામ્બર મૂર્તિપૂજક જૈન સંઘ આંબલી આયોજીત મુખ્યમંત્રી અભિવાદન સમારોહ સહ જીવદયા અભિવાદન સમારોહ પંડિત દિનદયાલ કોમ્યુનીટી હોલ બોડકદેવ મધ્યે
પૂજ્ય આચાર્યશ્રી ઉદયવલ્લભ સૂરીશ્વરજી મહારાજ આદિ ઠાણાની પાવન નિશ્રામાં યોજાઈ ગયો.
સવારે જૈનશાસનના જયઘોષ સાથે પૂજ્ય ગુરૂભગવંતોનો ભવ્ય પ્રવેશ થયેલ.
બાદમાં ગુજરાત રાજ્યના મુખ્યમંત્રી ભુપેન્દ્રભાઈ પટેલ, રાજ્યના શિક્ષણમંત્રી જીતુભાઈ વાઘાણી, શહેરી વિકાસમંત્રી વિનોદભાઈ, ધારાસભ્યશ્રી રાકેશભાઈ શાહ,બાબુભાઈ પટેલ તથા શહેર ભાજપના પ્રમુખ અમીતભાઈ શાહ, આદિ મહાનુભાવોનું આગમન થતાં સૌએ વધાવેલ.
બાદ ગુરૂવંદના સહ સમારોહ શરૂ થયેલ. ઉપસ્થિત મહાનુભાવોના હસ્તે દીપ પ્રાગટ્ય થયેલ .
પૂજ્ય ગુરૂભગવંતોએ જીવદયા વિશે માર્ગદર્શન આપી જીવદયા પ્રેમીઓને પડતી મુશ્કેલી અને તેમાં મળતા યોગદાનને આવકારેલ. બાદમાં મુખ્યમંત્રી તથા ઉપસ્થિત મહાનુભાવોને શાલ ઓઢાડી મોમેન્ટો અર્પણ કરવામાં આવેલ.
પધારેલા પાંજરાપોળના ટ્રસ્ટીઓ વતી એક લેટરની ફાઈલ માણસા પાંજરાપોળના ટ્રસ્ટી મનહરભાઈ તથા જૈનશાસન રત્ન કલ્પેશભાઈ શાહ ના હસ્તે અર્પણ કરવામાં આવેલ. જેમાં બધી જ પાંજરાપોળના ટ્રસ્ટીઓએ તેમના ભાવો રજુ કરેલ.જે ફાઈલનો અભ્યાસ કરવા મુખ્યમંત્રીને વિનંતી કરેલ.
શાસનરત્ન કલ્પેશભાઈ શાહે જીવદયાના કાર્યો કરતા સૌને આવકારી તથા રાજ્યના મુખ્યમંત્રી એ જીવદયા માટે બતાવેલ ઉદારતા બદલ અભિનંદન આપેલ. બાદમાં સૌએ સાધર્મિક ભક્તિનો લાભ લીધેલ.
[yotuwp type=”videos” id=”0tJ1UUzwPiA” ]
આવા નવા નવા અપડેટ્સ માટે જોડાઈ રહો શાંતિશ્રમ જોડે
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો શાંતિશ્રમની વેબસાઈટ પર
સંપર્ક: કૃણાલ શેઠ, મો. 9427535268
